20/2/2019 Day 1第一次去台中, 機票價錢同台北差唔多, $12XX左右 住不貴, 所以揀間好D既酒店, 因為好多都比較舊(真係好舊), 好彩冇揀錯 落機後在機場內的counter充值悠遊卡, 出機場步行十分鐘左右便到候車處 途經的候車室內有寫上公車到達D時間 我住的酒店是寶島 53 行館, 在台中車站附近, 之前已在網上查過可搭公車302號 (車程約70分鐘, 冇放行李的位置), 9號 (搭好耐)或國光A2 (快) 見人話A2可在網上預約車位, 但官網係有條LINK轉去另一網站買飛, 又唔肯定搭唔搭到該班次 所以EMAIL問左如有位可當埸買飛 可參考定班次 https://jobus.tw/product/a2-to-taichung-city/ 去到發現根本唔洗咁擔心冇位, 因為好少人搭 哈哈 搭40分鐘左右已到達, 距離寶島 53 行館需行十多分鐘 房間整潔又夠大, 廁所都幾好但唔記得影 酒店的對面就係宮原眼科可買下手信, 樓下有2間便利店及一間小食店附近有綠川, 一中商圈, 晚上可行下買野食,但唔算好多野行放低行李後四處行下, 台中始終唔似台北咁發達, 所以周圍嘅街道都係比較舊同冇野行因為好多都係一D舊式既小店, 雜貨店, 或冇開既鋪, 有D似番左十幾年前咁上網見附近有中友百貨, 日曜天地等商場, 但都係冇咩行的偏舊式商場, 人流少不過台中又唔係不值得一去, 例如清境農場或日月潭嘅九族文化村等睇風景的地方係不錯無聊地行左一陣後就去食晚餐 - 昭日堂燒肉昭日堂有燒肉或火鍋可選, 網站上可以見到相關餐牌https://www.shounichidou.com/我一早便透過LINE預約了昭日堂: 台中市大墩十一街345之一號交通方面可download '台中公車即時資訊'的app查詢點到點該搭什麼車可知道公車到達時間, 車站的位置等, 十分方便唔知係咪下班時間太繁忙, 搭左一小時多才到 點擊圖片放大 +4 餐廳環境幾好, 每張枱都好有私人感, 食物味道不錯最後仲送左個小小生日甜品 總括係可以一試, 因為車程來回真係太耐, 而附近只有ikea行下不過要提下既係公車大部分都係十點幾就尾班車Day 1 end~