20/1/2018 DAY 3大阪周遊卡分一日及二日券, 當天使用周遊卡可以無限乘坐地鐵, 大部分熱門景點/設施 (例如大阪城, 天守閣, 博物館, 坐觀光船, 摩天輪等) 都可以免費進入/使用 詳情可睇官網 https://www.osp.osaka-info.jp/cht/ 我係用k look買的, APP入面亦有詳細資料 根據我既行程, 我就買左一日券, 當初都覺得好煩唔知買係抵唔抵 但其實好多熱門景點本身都係想去, 所以買係抵番哂既! 現已由HK$171加價到HK$179, 提提大家係電話dl k look app買會平D 因為用app首次預訂輸入優惠碼 ”mobile10” 可平HK$10, 又或者邀請好友註冊成功後, 好友可獲HK$25優惠碼, 而好友成功預訂後, 你亦可獲HK$25優惠碼 唔想煩亦可去我share既link註冊就有HK$25優惠碼 https://www.klook.com/zh-HK/invite/31E7M?c=HKD 預訂時, 可以選擇關西機場/難波JR站/黑門市場領取, 而我就選擇機場拎, show QR code就拎到飛 利申: 我純分享, 唔係賣廣告 廢話少講, 入正題 當天早餐去左吉野家, 鰻魚飯同壽喜燒質素亦唔錯 第一個景點係天王寺動物園 (0930-1700) 可於天王寺或動物園前站出都得, 步行約5分鐘 入場時只要出示周遊卡佢睇就得 場內既動物種類都比較多, 地方都算大, 幾好行 仲可以餵白兔同羊 點擊圖片放大 +6 由於時間關係所以我哋最後都係快速遊覽, 大概行左兩個半鐘左右然後去下一個地點 - 大阪城 要留意返大阪城既關閉時間係五點, 乘搭地鐵到森丿宮站3B出口, 仲需要行一段路程大概20分鐘 步行入去既路程附近會有好多櫈, 亦因為差不多係午餐時間, 我地係便利店買完野食, 係櫈度休息一會兒, 享受午餐再行入去 沿途都有好多樹, 環境好優雅, 影相一流 點擊圖片放大 +2 同樣地都係出示周遊卡就可以進入 大阪城外觀十分有日本風格, 但其實內裏已進行裝修變得現代化 大家可以乘搭電梯上最高層, 然後再逐層行落去睇展覽, 記得唔可以拍照喔! 建議大家如果有興趣睇下歷史的話, 可以早D去, 因為我哋去到嘅時間只剩低一小時所以都非常倉卒 行完展覽去到最底層 有一部售賣硬幣機, 可自行選擇想印上的英文字或數字, 十分有紀念性 之後我哋就去左梅田, 本來諗住乘坐Hep Five摩天輪, 可惜實在太多人要等一小時多 所以最後都係冇乘坐, 另外梅田仲可以去藍天大廈空中花園展望台, 我見人地影個景唔錯架 但係我地太HEA都冇咩時間再去了HAHA Hep Five上面有個4D遊戲玩都唔錯, 但而家好似冇左了 之後到處逛逛, Yodobashi係賣電器型, 耳機相機都有, 所有產品都好多種類 除左賣電器, 底層亦有拼圖(好多卡通都有)同玩具賣晚餐時間, 誤打誤撞搵到一間餐廳食吉列牛排 – 京都勝牛, 係京都出名的 出左Yodobashi的左邊對面馬路 地址: Osaka Prefecture, Osaka, Kita, Shibata, 1 Chome−1−27 (1100-2300) 味道不錯, 但因為店舖比較細小, 如果有興趣可能要等位 點擊圖片放大 勝牛旁邊有間兩層藥妝店, 食完可以去瘋狂shopping 另外想講下Dermacept的維C精華C10, 個人覺得好用, 可收細毛孔同去印 咁啱呢間藥妝店比我搵到, 如果有用開既朋友可以係日本買平HK$300 係日本的名係Obagi, 外型一樣 總結一下, 雖然好多地方都去唔切, 最後去得好少地方, 但都已回本 DAY 3 END~ 下篇分享神戶牛