19/1/2018 DAY 2由於上次冇去過京都, 今次點都要去啦 其實真係好多地點都想去, 1日真係唔夠, 如果時間許可可以STAY兩三日京都 第1站先去食炭燒鰻魚飯做早餐 交通方面 - 地鐵到新大阪轉JR到京都, 再搭奈良線到稻荷站出, 需時約45分鐘 出JR對面就係伏見稻荷大社 轉左直行就到達 - 祢ざめ家 (10:00 - 18:00) 味道都唔錯可以一試 食完之後我地就出發去伏見稻荷大社喇! 點擊圖片放大 +2 主要都係影千本鳥居 開頭真係好多人, 連相都影唔到, 其實整個鳥居都好長, 行後D先影相就得 行完出到去就會見到有好多小店賣小食 蟹肉棒都幾唔錯, 但係有個牛肉串就麻麻, 超韌, 不推介試 食飽之後又繼續出發去清水寺, 行到京阪電車伏見稻荷駅可搭去清水五条站 出站後沿途都會有好多指示牌指引去清水寺, 總路程需行約半小時 如果大家有另一個方法的話可以試下, 希望唔洗行咁耐 開頭大概行十五分鐘左右, 之後過條馬路就會見到有條斜路行上去, 上面就係清水寺喇 由於今次清水寺仍然進行修葺, 所以未能一睹原貌, 不過都值得一去! 因為景色真係好靚, 如果修葺後一定會更加宏偉 點擊圖片放大 +10 由於我地行得比較慢, 行到差不多關閉先走, 時間大概已經4點 本來仲諗住可以行下花見小路等小徑, 同埋去四条河原町逛一逛 但天色已黑, 已經逐漸少遊客, 小店亦開始關門, 所以係附近行左一段路就回頭了 京都的小屋加埋周邊嘅景色真係好靚, 感覺好似返去古代一樣, 好值得一去! 如果大家只係京都一日遊的話, 建議早D去呀!DAY 2 END~