1.10.2017 DAY 3旅行除左食玩買之外, 黎上海當然唔少得去古鎮一睹美景啦 本想去七寶古鎮, 因為地點比較方便同交通時間少 但聽講朱家角靚D大D, 又有時間所以最後決定去朱家角 朱家角係一個4A級既國家景點, 真係值得一去!交通方面, 搭地鐵到大世界站3號出口一直行到大馬路(延安東路)會見到對面係霓紅兒童廣場 過到對面的右邊就係公車站 記住車牌一定係寫住"滬朱高速快線"先好上呀!! 快線車程約一個半小時內, 普通果架要兩個半小時架, 千萬不可上錯! 車費:RMB12, 上車後會有職員收錢 坐到總站, 出車站後都見到大大個朱家角指示牌 過到對面再沿指示牌方向直行至右邊有條大路, 會見到朱家角商城 朝著商城方向再直行就開始見到指示牌, 前往旅遊咨詢服務中心, 門口就有售票處 由於第一次黎所以揀左第1個路線, 而且黎得都想坐下小船遊走河道欣賞風景, 第1條路線一定係划算D 售票員會提供地圖同建議行走路線, 真係好方便! 接下來跟住指示同地圖就識行了! 由於太攰所以都冇行哂所有藝術館 點擊圖片放大 +2 課植園 點擊圖片放大 +3 課植園外有部售賣紀念幣既機 遊船, 雖然前一日落雨, 幸好當日天氣好好 點擊圖片放大 大清郵局舊址 全日行程大概9點幾出發, 5點搭車回程, 回程時都係番落車點搭車走END~
