5/3/2017 DAY 2去之前已經做左小小research..最好係上網預留定巴士飛..再去到比錢.. 因為真係會賣哂架.. 溫馨提示:一定要買回程飛!一定要買回程飛!一定要買回程飛!重要的事要講3次!..我就係冇買攪到走果陣好慘先講巴士..去以下網址再禁入網路訂位下面個網址可以預訂巴士車票 http://fujiq-renewal.kirks2.jp/tw/qpack/ 我就係由新宿高速巴士總站出發到富士急樂園..車程約110分鐘左右 可以揀來回或單程..超級建議來回..睇落去你就明 預訂好capture番個page..唔洗print都得..去到show比職員睇就比到錢 如果想睇景睇富士山就可以去河口湖..不過我冇去都係見人介紹 就係因為冇買定車飛衰左囉=.=順帶一提..去機場搭巴士既車票都係係新宿高速巴士總站提早幾天可購買樂園入場門票方面..去到買就得..可參考官網 http://fujiq-renewal.kirks2.jp/tw/ticket/ 入場門票1,500yen..其他遊樂設施入場另買;亦可買無限次玩遊樂設施..5,700yen 有passport仲折平左100yenXD當天一早就出發搭9:15車..因為搭車都好廢時..可以買少少早餐上車食 JR到新宿南口..對面就係巴士總站 富士急下一個站就係河口湖 我地係富士急落車就見到富士山喇..好靚 穿入樂園既路仲見到個小巴黎鐵塔 賣門票的位置有個牌寫機動遊戲等待時間 由於第一位既過山車冇開就唯有玩第二位既FUJIYAMA 又由於我既同行伴侶唔肯玩..所以我自己玩 係!冇錯!係自己玩..等左成個鐘先有得玩..一場黎到又冇理由唔玩架 排到上去有部機買飛的..其實自己一個都幾異相=.= 個工作人員仲安排我自己一個坐第1個位唯有自己一個hyper啦! 個過山車一路上去就望到成個富士山..真係好靚!!!最衰冇相機影低! 都幾刺激既!之後一齊玩戰慄迷宮..都排左成個鐘 點擊圖片放大 本身係可以比2個人入去..咁岩後面有一對台灣情侶都驚.. 所以我地就決定4個一齊玩冇咁驚.. 話唔驚就假既..話哂都咁大..好似真係自己去探險咁 自己玩下就知喇XD排隊都嘥左好多時間..玩完食D野都已經差唔多4點 我地就好白痴咁諗住買飛去河口湖啦..點知賣哂..連番新宿或其他地方既飛都賣哂== 所以我地唯有係高少少既地方影下富士山..都唔錯架! 然後就諗住有富士急行線點都番到去啦..少年我太年輕了OMG 首先佢有個牌指入停車場..以為穿過停車場就係啦..點知兜左成個停車場.. 原來係停車場右邊有條路仔..指示牌亦好鬼祟.. 好啦行呀行呀..KEEP住覺得唔對路咁..行左5分鐘都覺得唔岩咁.. 其實係岩架..因為係真係好遠架..指示牌隔一段時間係有的..但因為係有D日文字..我地仲懐疑係咪睇錯 KEEP住團火行十幾分鐘就會發現就到架喇..我估如果係樂園後面個出口出可能近D..估咋 行完一段路終於到..點知仲要等半個鐘先有車..車費計計埋埋比巴士貴成倍呀 記得車門要禁制先開架!用番前一篇文講既交通APP睇點轉線啦..佢係冇錯的 到唔知邊個站要出閘轉JR..跟住中途係咁轉車..真係轉到頭都暈.. 某D站要特別D要再中途轉車..總之轉呀轉搭左3個鐘..我冇打錯呀 見個網話110分鐘就得..但D車等下開下轉下已經冇左D時間 番到去已經好夜..搭巴士真係方便好多架!我仲驚巴士番去塞車唔買== 總結: 富士山去一次望到下就夠了HAHA多謝睇左咁多字既分享=]