4/3/2017 DAY 1今次機票方面係HKEXPRESS 約$1,700 再加上住民宿..加埋都係約$3,100因為係凌晨機去所以朝早6點未到就到左東京.. DAY 1係去不二雄博物館..由於DAY 1就去所以係網上預留左飛.. 其實我都係試下架咋..原來好簡單..去以下官網 http://l-tike.com/fujiko-m/ 大家可以用GOOGLE TRANSLATE自動TRANSLATE個網睇就可以..唔難的 因為預留飛後好似限2日內去LAWSON便利店拎飛..請自行預計時間 選好時間可以用非會員預留的..記住選店內付款..完成後會收到EMAIL寫幾多號前要拎飛 機場最底果層都有LAWSON..所以我地去拎飛先 LAWSON入面有部機..揀完一輪再SCAN EMAIL個QR CODE入埋名同電話就會出張單去COUNTER比錢 名同電話都係亂入就得..EMAIL入面都有個教學教點禁LAWSON部機 比完錢店員就會比飛你架喇.. 如果冇網上預留都可以用部機買飛..某D博物館既票都得 我地係住新大久保..所以要去新宿轉JR 日本好多都係中文字..所以買飛過程都好簡單..買飛時同佢講定邊度落就得 出發前可以去利木津巴士網睇定巴士時間 http://www.limousinebus.co.jp/ch2/ 車上有中文字顯示站名..唔洗驚落錯 沿途冒風景都好靚 放低行李休息一陣就出發..我地選入館時間係12點 交通方面大家可以DOWNLOAD呢個APP 只要輸入你既出發地同目的地就會顯示比你睇轉車既方法同時間..非常簡單方便 而且JR同鐵路站都顯示到..我成個TRIP都係用佢 藤子．F．不二雄博物館係登戶站 中途要轉小田急小田原線..急行就快D搭少D站.. 我地都唔識點搭急行..所以都係問車長..佢地都樂意幫助 好順利就去到目的地..出閘後都會見到有指示引導去搭巴士的 車上都有唔少佈置..當天都不算太多人..搭十分鐘左右就到 好似遲到15定30分鐘就不能進埸喔..大家小心排隊進場既位置都有一D展品 進展覽場內不能拍攝的..職員會比一部好似電話咁既野你.. 去到埸內睇每樣展品都有一個號碼的..按該號碼就可以聽到講述內容喇 呢個方法幾好行完展覽周圍會有好多場景可以影相..太多不能盡錄 點擊圖片放大 +4 入埸果陣仲有張飛仔可以睇小劇場 由於餐廳太多人所以我地都冇食 其實都幾抵..行左大半日..展覽館又大晚上去左渋谷果邊食LUKE'S LOBSTER 都唔少人排..大約排左20分鐘..我地都係試lobster roll..都唔錯的 聽講蟹肉好味d..可惜冇試沿路行都見到有旅遊書介紹的章魚燒 中規中矩..DAY 1 END~
