25/11/2016 DAY 1 今次台北之旅本身諗住去玩滑翔傘.. 未出發之前已經CHECK定天氣見會日日落雨..點知真係.. 雖然都係KEEP住微微雨或有時陰天..但呢個天氣已經唔可以玩了 SO SAD! 我朋友11月頭去台北..咁岩都玩左我想玩果間..無奈我去果個時候落雨.. 大家有興趣都可以試下..叫野馬飛行俱樂部..我之前係facebook搵佢問資料的 http://www.0932926289.com/ 仲只係港幣$500左右就包埋借go pro..我唔係賣廣告..只係見有好野想介紹下比大家=] 因為之前見係香港玩要成2,000蚊..爭好遠..我下次黎一定會玩! 今次搭長榮$1,200內..以為好抵..點知仲有更抵.. 之後我仲見最平有8百幾-0- 住宿方面..嘗試了第一次住民宿..每人只係$1,000左右.. 地方又唔錯..係西門町..每晚都可以落去買野食 WIFI蛋方面..之前crazyegg有promotion..申請張信用卡就可免費使用 兌換台幣方面..去到機場唱哂好D..記得好似只係HKD25收續費 但唔建議去到市區唱..因為去到第3日唔夠錢洗要唱錢.. 台灣人話百貨公司匯率較高..而銀行匯率係好少少..但係每次兌換要收HKD50收續費 第一天約11點半就到桃園機場..到達後可到巴士果層買票.. 我去西門町就坐國光客運1819..真係多人到轉哂彎..等左幾架先上到.. 車上仲有充電位..當然自備線啦 上一次黎都係搭呢架..去到台北車站有接駁巴.. 但今次我地到左後搵極都搵唔到..d人話應該係再之後果個站落先岩.. 最後我地搭左的士..都係TWD100 係我地搵接駁巴果陣仲發生左D小插曲.. 有個自稱係大學生既講左一大堆野..叫我地買佢個產品.. 當時又趕住搵車又信左佢..好迷茫地買左..舊野要HKD50.. 真係買完果下都覺得自己ON DOG DOG=.= 之後某日我仲係西門町見佢同一大班同黨呃人..大家小心! 到達民宿後就出發食午餐 - 暪著爹三店 三店係食海鮮丼飯..附近仲有其他店.. 係捷運忠孝復興5號出再GOOGLE MAP..係微風廣場附近好易搵 地址: 台北市八德路二段346巷9弄17號 好似大約4點多去到完全冇人等..但亦可能太晏冇哂海膽..唉 一場黎到點都試下啦..係出面落完單同俾錢先入去的.. 地下果層不算大..但會見到開放式廚房 鮭魚親子丼 特選綜合海鮮丼 松葉蟹茶碗蒸 炸花枝餅 刺身係唔錯的..但係豉油唔係平時食開果D味..個配搭爭緊D咁 整體黎講中規中矩..招牌菜有2款都冇得試 係附近行完街既第二餐晚飯 - 美好時代 咁岩諗起之前見有台灣人話珍珠奶茶鬆餅好好食所以就去左試 地址: 台北市大安區大安路一段52巷23號 地址應該係呢個..因為初頭搵另一個地址黎搵都唔見..唔知係咪搬左呢 食物種類不算太多..但係好抵食 水牛城雞翼..呢個普通..食幾舊先記得影相哈哈 有個芝士醬用黎點西芹..雖然我唔食西芹..但配薯條好好食 牛肉漢堡..約HKD6X..好抵仲好食 珍珠奶茶鬆餅..呢個幾特別..都唔錯的 真係食到好飽~ DAY 1 END~
