30/6/2016 DAY 2第二日點都要去下明洞啦XD係明洞地鐵站出閘後既地下街有一間麵包店有樣類似雞蛋仔既野幾好食的..上次黎既時候係冬天..即整出黎熱辣辣仲覺得更加好味點擊圖片放大 +3 食完小食就去食正餐..明洞既Red Sun年糕鍋地點好易揾到..都係果句唔識就google map啦我都係靠google map行去地址：首爾市中區明洞2街 55-14 2～4F서울시 중구 명동2가55-14 2～4F 我地揀左微辣既火腿香腸年糕鍋 平時係d韓國節目見佢地食完個鍋仲會擺個飯落去炒..雖然係幾吸引..但得2個人真係冇能為力haha呢餐都只係15,000won..又好食又抵!食完跟住落黎既時間唔洗講都知又係shopping啦!講真韓國d護膚同化妝品都真係幾抵用!Mask方面唔洗講必掃既當然有innisfree啦..計番hkd7呢期好hit唇膏..有d大路牌子平既都只係hkd4x-100不等..唔買真係對唔住自己-v-好啦..我諗shopping呢方面應該冇咩人想知架喇鏡頭一轉已經行街行到食dinner..腳已斷既我地表示原來酒店有浴缸係必須的..我地真係好想食完番去浸腳..可惜冇!算..化攰為食量..今餐係出名既馬場站龍門家韓牛烤肉~呢間都係朋友介紹我先知有呢個地方首先搭到去馬場站係2號出口出..跟住直行一直行.. 沿途都幾靜下..我一度懷疑行錯haha去到呢個紅綠燈位唔洗過..左轉入去直行..唔洗猶豫 要行我諗5分鐘先到..過完條斑馬線..黃色招牌左邊就係入口.. 行入去直到見到呢個婆婆既牌就係龍門家喇 同埋呢度係除鞋坐地下食的..但都有一張好似平時既枱櫈俾D較多人既群體用呢度全部都係食牛的..唔食牛既朋友唔洗黎我地仲問佢會唔會有豬..阿豬媽話黎呢度冇人鐘意食豬既..實係食牛架啦阿豬媽仲識講廣東話..我地跟佢介紹叫左個餐 佢仲送左支可樂比我地..D小菜係送既.. 仲有呢個牛肝不得了..佢話韓國人係咁生食..遊客怕既話先會燒黎食好啦..一場黎到都要試下既..口感滑滑地咁咬唔開..味道好似豬潤咁..OK的但係我都係怕唔適應會肚痛..食一舊算HAHA我亦都試過燒黎食..但燒完仲奇怪..生食比較好 仲有生牛肉刺身都係送的..鍾意食既人就要黎下喇..可惜我本身唔太好 登櫈!!主角到!!呢個餐係有好多種牛唔同既部份我都唔係好識分..淨係識食=P點擊圖片放大 真係唔錯!而家一路打..睇番D相都好想食! 呢個餐已經夠哂2人食..食到飽都只係HKD500左右仲要係韓牛..真係幾抵之前係香港某間食韓牛..每人已經要HKD500..呢度平成倍@@DAY 2 END~如果bk airbnb可以去下面條link申請新a/c bk可以平hk$150https://www.airbnb.com.hk/c/pancyw1?s=8我細佬用左真係work~
