今次機票酒店好貴..皆因好即興又夾住七一..但係開心既! 29/6/2016-3/7/2016 經expedia訂酒店加機票一人價$5,243..但係坐國泰XD Wifi蛋方面,今次係租crazy egg..因為太趕買冇優惠所以$125 for 5 days.. 佢而家仲有counter係機場24小時..超方便! https://www.crazyegg.com.hk/29/6/2016 DAY 1 為左唔好嘥左d時間..我地搭凌晨1點機去.. 我地今次住明洞樂天城市酒店..原來係年頭先開的.. 環境算不錯..房間不是特別大..但至少可以開2個大gip.. 酒店下面仲有3間便利店..超方便! 點擊圖片放大 落機後係5號出口出.. 右邊會見到一個買車票既counter..機場巴士係6015號 6015車牌上有寫開車時間的..話比司機知係邊個地點落..佢就會安排點擺放行李.. 呢次係乙支路2街落..車上都有講到達站名..但係韓文黎..而沿途每個車站牌都有寫站名..小心留意下就可以了..記得落車要禁鐘喔! 車程約90mins 車票上仲有去樂天世界既9折coupon 本身都打算去的..但係每日都有半日落雨好難預計..所以最後都係冇去 大家可以download kweather呢個app..都幾準確落車後向巴士行駛既逆方向行 行前少少右手邊有條馬路過 跟住就向前一直行就見到酒店架喇.. 其實你台頭望都會見到酒店個名的.. 門口有個模型人企係度..超易認 酒店附近有幾個地鐵出口都幾方便 到達後因為未夠鐘check in..可以先寄存行李再食下早餐先番黎 酒店check in果層仲有business corner..而且冇咩人 加多小小分享..房內既電視仲可以用電話連接..同步播放 咁夜晚就可以一齊睇下劇或者電影啦..不過好似只係支援android..iphone試左連唔到 首先係電視搵一個功能連接電話..呢一步唔記得影低添 跟住電話search mirror link..然後選擇番電視顯示既裝置名稱 連接後就可以係電視度一齊睇架喇..真係幾方便 真係開心大發現XD 下一篇開始介紹美食..唔好錯過呀!順便講埋..如果bk airbnb可以去下面條link申請新a/c bk可以平hk$150 https://www.airbnb.com.hk/c/pancyw1?s=8 我細佬用左真係work~