21/2/2016 今日去環球影城..首先分享小小心得.. 如果想順順利利既話建議大家上佢個官網買定入場證先..因為去到買飛要排好耐.. http://www.usj.co.jp/ 但係由於官網買飛係要睇日文..所以大家可以上網睇其他blogger打既教學..我就冇咁勁教到大家了=P 如果覺得麻煩既話..其實都可以透過旅行社買的..當然價錢可能貴D吧 而我就係自己上網睇教學買的..生日月份可以有少少優惠..大約平幾十蚊.. 買入場證既同時好多人都會諗咁買唔買快證好呢? 因為價錢都幾貴架..入場證約$4XX..快證Express 5就要$400倒 (仲要視乎買邊個快證).. 由於我朋友早我一排去左話冇快證底下玩harry potter要2個鐘..所以我果斷地決定點都要買快證! 買快證既話已經可以直接揀埋HARRY POTTER既入園時間.. 而冇快證既朋友就要早D去拎整理劵了..因為好似係要抽整理劵睇下入唔入到園的..詳情就不太清楚 都去得旅行..冇理由咁嘥時間玩得唔盡興嘛..原來金錢真係可以買時間! 當然睇個人需要啦..如果有時間又唔係好玩機動遊戲就可以自行考慮了 我已經早一個月上網買..本想買平日飛..點知竟然得番1個日子比我揀..而果日好彩係我旅行既其中一日..快證都係得番Express 5.. 2月其實係有限定版..但我買唔到就冇辦法啦..Express 5都已經夠好..入正題~d人話要開園時間就去到.. 嘩..但9點幾喎..洗唔洗咁早?我覺得唔洗..除非你set左某d遊戲或入園時間係早.. 當日我地大概11點左右去到..交通方面坐地鐵到大正站..再出去轉JR到環球影城.. 由於我地可能行錯出口..所以行左好遠先去到JR站..大家小心出錯呀 由大正搭去西九條後要落樓梯過對面轉一轉線去環球影城的 去到之後朝住人群就到園既入口喇..好興奮! 上網買左入場證既朋友只要係電話CLICK個QR CODE出黎比工作人員SCAN就可以了..非常方便! 我買左生日既入場證..入場會比貼紙你貼住..工作人員真係會同你講HAPPY BIRTHDAY架HAHA 冇買快證既朋友可以DOWNLOAD呢個APP..可以睇到每個遊戲既排候時間 我地玩既第1個就係最刺激既HOLLYWOOD DREAM.. 快證真係無得頂..5MINS就玩得..同樣地SHOW快證個QR CODE就可以.. 呢個過山車真係幾刺激!可惜玩唔到倒後版XD 跟住就係大白鯊..溫馨小提示: 小心坐最出果個位..因為有機會會濕的! 然後就到我地揀既HARRY POTTER入園時間喇..建議可以上網SEARCH定禁忌之旅既開始時間 先經過一個叢林先會入到HARRY POTTER區 入面既景真係整得幾靚~ 玩完之後我見到d人排隊玩真係排到好遠@@呢個就係奶油啤酒..其實下面果D只係汽水 之後我地仲玩左SPIDER MAN同TERMINATOR .. 其實本身係想揀侏羅紀玩..但由於有內部工程既關係停開..我地仲預備左雨衣架..SO SAD! SPIDER MAN都幾好玩..但轉到有D暈車浪既感覺== 而TERMINATOR......我地都覺得有D悶..因為開頭入到去係企係度聽一個攪氣氛既人講野.. 企左感覺上有10分鐘..可能少D..由於佢講日文所以就算所有人係咁笑..我地都唔知講緊咩..有點無奈.. 跟住入就去一個類似戲院入面睇4D..同樣地講日文所以有D位會覺得有D悶.. 而且開頭悶到我差D訓著左..但後尾先係開始精彩好睇..冇辦法唔識日文可能真係爭D=v=當中我地亦有抽時間睇一個show..係未開始既時候工作人員都幾識攪氣氛.. 注意前面寫住會濕既頭幾行係真係會濕哂架! 我雖然坐後左2行..但對鞋都濕左.. 不過個show真心好睇!值得抽時間睇下! 除左快證果5個遊戲之外..其他都冇玩..因為每個都要排1個鐘以上.. 見到進擊的巨人要排3個鐘以上..真係好crazy! 而買左快證既我真心覺得抵..每個遊戲都係唔洗10mins就玩到~玩下行下大概去到5點就走了..天色仲好靚..DAY 4 END~ 我都幾長氣下..多謝大家睇左我寫咁多廢話XD