20/2/2016 DAY 2 今日係好特別既一日..MY BIRTHDAY HAHA 本身打算今日去京都..但由於前一日行左奈良咁耐之後.. 大家都好攰..不竟平時運動太少..真的老了!!=.= 而且之前睇過天氣預測知道今日有可能落雨..所以揀去奈良先..再加上今日晏左起身..就決定唔去京都喇 其實PLAN行程真係要睇定天氣預測..落雨真係好大影響架..好彩今日唔去買左飛去環球影城咋!諗住成日都會搭地鐵周圍去..所以買左地鐵一日劵! 不過好似我地咁冇PLAN既人就唔好買了..因為最後我地行街行到時間預計唔到..根本就嘥左-0- 係平時買票果部機就買到..唔識睇日文唔緊要..睇英文都好簡單 平日同星期6日既價錢係唔同..揀card再揀one-day pass就會顯示價錢(視乎係咪weekend & holiday)..之後再入錢就得喇 張card就係咁架喇..入閘後會打左當日日期 第1站黑門市場..期待已久既海膽..... 日本橋9番出口..出後向前行..係左邊既轉角位就見到大大個入口 1入去就見到好大件獅子狗 黑門市場必食!!一樣我平時唔食既水果 - 士多啤梨!真係好甜架! 尤其是白色果隻..個人覺得好好味~~~唔想買成盒都有得散買架! 除左食剌身之外仲有燒魷魚,燒帆立貝等等 第1餐刺身..口感好特別..唔同平時食開果d 周圍都係海膽..間間價錢都唔同..要自己格下價喔 去左黑門三平食即開海膽同帶子..有點失望.. 海膽1d都唔鮮甜..可能揀得唔好吧 帶子都係好普通 唔憤氣底下去左另1間食..d海膽望落去好似唔錯咁.. 但係都係唔夠甜..本人覺得好普通..香港都食到既貨色..好失望呀! 比起台灣既上引水產..我真心覺得果度既海膽係我食過最好味既海膽~ 另外可以試下豆漿..幾重豆味..但有點淡 經過爭扎後都係試左和牛串..$70真的有點貴.. 重點係..唔係好好食=.= 總括黎講..比我想像中差太遠了 但士多啤梨確實係好食的!可惜冇試埋哈蜜瓜 不過我朋友3月頭去又話覺得黑門既野好好味..可能個個感覺唔同吧 食完之後就去左難波..係11番出口果邊行行下就會去到戎橋筋商店街..同心齋橋相似 食左551蓬萊既豚饅..1個已經好大 之後去左買Rikuro長龍芝士蛋糕..不算太多人..排5-10mins左右 芝士蛋糕不算太好味..反而覺得布甸好好味~ 我係呢度既7-eleven都有每晚買布甸食..有1款真係好好味架..可惜冇影低個樣行完街本身諗住食蟹道樂..但要拎籌所以要等到10點先有得食.. 因為太攰所以去左食拉麵先..蟹道樂附近有好多拉麵店..一蘭都有.. 但係唔想排太耐隊所以去左金久右衛門 門口有部機先揀完想食既拉麵..付款後再入店內 我好似揀左少面..所以份量岩岩好..不錯 食完之後..冇錯!係又食蟹道樂..一場黎到冇理由唔試下架! 環境唔錯幾舒服又靜..用ipad睇完menu再點餐.. 由於得2個人所以叫左最普通果個set.. 掛住食之後都唔記得影相嚕~ 有長腳蟹,蒸蛋,天婦羅,壽司,蟹刺身,焗蟹長通粉(小份量),水果 好似係咁多..整體不錯..但又唔算好好味.. 可惜我敏感食唔到蟹刺身啦~ 食完之後咁晏唔怕冇咩野行..去激安已經可以大掃手信零食護膚品化妝品..再血拼一番!DAY 3 END