19.2.2016 DAY 2 今日我地住第2間酒店 - 大阪心齋橋西佳酒店 Best Western 大阪心齋橋西佳酒店位於長堀橋站5A出口..拎住行李既你地建議都係搵電梯搭吧.. 5A出後向右行..行幾步就係第1個轉彎位..轉右直行就見到了.. 由於當日太狼狽都冇影到相== 酒店對面就係7-11..超方便.. 買完野食可以上上一層..有1個房係比顧客坐低食野..真係好好..問店員就知道位置了! 酒店比較新..但係房間好細..我個28吋GIP要搬開哂D野先岩岩夠位開.. 對於日日都買野既我執GIP就超唔方便了! 經過之後有2晚搭唔切地鐵..發現其實難波行番酒店都得既..但要半個鐘左右.. 如非必要都唔建議..本來我地係想搭的士..點知個司機話15MINS就到..我地就誤信左佢.. 難波經心齋橋再行橫街就行到..呢個世紀最方便既就係GOOGLE MAP..睇佢真係好易去到目的地!時間仲好早食完野9點左右就出發去奈良喇! 要有心理準備..奈良其實就好似行山咁..最好著舒適既波鞋呀! 先搭地鐵去難波..再轉近鐵到奈良.. 其實JR都可以..但做過RESEARCH..奈良JR既出口比較遠 未黎之前都覺得呢度既交通好複雜..但原來都唔係既..佢地既指示牌好清楚.. 買飛就係睇站名下面寫住個價錢..係售票機揀番個岩既價錢就買到票了 去到難波沿指示牌去近鐵既站..服務員已經企售票機前面協助..唔識買票問佢就可以 搭快速急行係最好..因為唔洗停咁多個站..而特急係要再加錢 點擊圖片放大 搭到總站落車就岩架喇! 出閘後搵旅客既觀光中心..D人真係好好..問我要唔要地圖..我仲以為要比錢=.= 真係諗多左了!HAHA 因為行入去春日大社都幾遠..所以當然搭車啦!搭去都要25MINS..如果行既話...... 除非你只係會行一行睇下鹿就可以考慮.. 佢建議我地去春日大社再沿途經2個景點..仲教埋搭咩車同車既到達時間.. 出左大門..向左行過對面馬路..再向左行就見到車站了! 日本唔同香港..係車既後門上車..落車係前門落同比錢.. 今日都幾多人下..唔好彩既話就要企下喇.. 搭車既沿途已經見到有鹿喇..好興奮~~ 落車後行上山既路就岩喇~Let's go! 點擊圖片放大 一路行就好快到春日大社了 門口有D牌係比人寫願望的..呢度好自律大家都係自己擺低錢..冇人看管..所以要自律喔! 點擊圖片放大 +3 沿住路牌就去到其他景點架喇..一離開春日大社就開始好見鹿喇!! 想佢地同你玩就買仙貝啦! 之前上網見D鹿係有角..而家見到果D已經比人切哂隻角了..係因為佢地成日頂撞遊客嗎?Poor deer~ 佢地好醒架..如果冇仙貝就唔睬人架XD 一開始我都好驚..不過其實佢地好乖..只係小心餵果陣比鹿圍..佢地就會頂你PAT PAT架喇HAHA 小心身上既小物件呀..佢地會以為係野食 山下會見到1D年紀比較大既鹿..佢地好乖架..早知留定仙貝比佢地食啦 本來諗住去其他景點..但行行下已經唔記得左..直接落左山下了 就咁行下同鹿玩下4點幾了..山下可以行下店鋪買手信..掃呀掃掃左好多盒白朱古力士多啤梨.. 其實激安都有得買..唔洗搬餐死..但2個係唔同牌子 番到酒店..腳已經唔係屬於自己~ DAY 2 END~
