好耐冇同大家研究漏水時事，1-2年前如果大家有印象嘅話會記得網上周圍都係免費上門檢查、專業防水補漏嘅廣告，啲短片入面嘅工作人員全部著哂制服、戴哂工程帽咁，個樣真係好專業，又有用儀器探測漏水源頭，最緊要「免費上門勘察」，真係好吸引！不過經過咁多年，大家仲未知唔使錢嘅野先係最貴嘅咩？其實漏水來來去去都係嗰幾個原因，不過要知道呢啲「高壓打針灌漿防水劑」方式一定唔係可以解決問題既方法，最多只係其中一個暫時性將水源迫走嘅方法，再者防水界嘅「打針」唔同醫學界嘅「打針」，唔係病左有問題就打多幾針快啲好。希望大家俾人呃之前，要清楚了解下究竟呢啲所謂防水補漏專業人士用緊啲咩材料去幫你屋企維修，起碼知道咩係「打針」、點樣打、「打針」係打啲咩入去、「打針」會有咩後果，最緊要必須知道「打針」呢個方法並非適用於所有漏水問題。例如好似喉管滲漏咁，正常師傅會建議做測試去check清楚源頭先提出維修方案，如果啲專業人士有理冇理都話「打針」快啲好，你就知佢咩料啦；千祈唔好信嗰啲乜都未了解就聲稱不打拆不重建嘅維修方案，要針對解決問題有時真係少不免要打拆同重造，問題在於有冇呢個需要，有需要當然要對症下藥，唔係貼塊膠布上去就當搞掂。LO叔都好明白，個個都想用最簡單快捷嘅方法處理最麻煩嘅問題，不過可惜大部分香港人著眼位都係錢，一貪平就出事囉。2023年8月8日 東張西望 打針防水維修工程騙局回顧：2024年8月8日 東張西望 防漏騙徒重現江湖回顧：「高壓打針灌漿防水劑」成件簡單嚟講就係，溝通時報到好平價，表示以材料重量計算價格 → 免費上門檢查 → 游說開工 → 開工後同客戶講用左好多材料就劏客。苦主「李先生」早前因浴室地台出現滲水問題，網上查詢時見到有網頁聲稱做防水工程，更指時間短價錢平，利用「高壓注膠防水」處理滲水問題。李先生便聯絡了解，獲一名講普通話的男子游說，對方表示：「只要打防水膠入去，2、3,000就可以。」其表示收費是以膠防水的重量計算，又提供免費視察，李先生最終安排上門，當時有三名大漢到場，經「檢查」後便指李先生浴室的問題若不解決，之後便會更加棘手，李先生便同意開工，他說：「佢哋帶齊工具話兩小時完工，用『納米合金膠水』，可保養十年。但係一直拒絕透露要幾錢，做完就話空位好大，用咗4、50斤膠水，要50,000蚊。」資料來源：星島頭條司警昨日介紹案情表示，警方本月17日接獲1名本澳女事主報案，指在網上看到有關防滲漏工程的廣告，內容承諾提供5年防水保證，由於她店舖存在漏水問題，於是聯絡對方預約工程。本月16日上午，3名內地男子以旅客身份入境並到事主店舖評估，向事主報價工程費用最高約1萬澳門元。事主同意施工，豈料有人完成工程後以注入80磅防水物料，向事主漫天開價7萬多澳門元，最終經協商後，雙方商定工程費用5.46萬澳門元，由於現金不足，女事主先支付了3萬澳門元。其後女事主發現完成工程後店舖仍存在漏水問題，與友人商量後懷疑被騙於是報案求助。資料來源：新華澳報大家睇睇呢啲「納米合金膠水」，個名真係聽到都嚇一嚇。《東張西望》向專業人士查詢，專家坦言：「灌漿以針孔數量非使用幾多物料計算，即使大修拆卸重做防水層，都不過萬五元左右，已可一勞永逸，更指「奈米合金膠水」，師父都未聽過，奈米2個字直情可以唔理，合金膠會澎漲固一定谷爆。」資料來源：香港01 騙徒用嘅材料又會有幾咁巴閉呢，一齊去淘寶睇睇。專業空鼓注漿成套架生連膠水都唔使5百蚊人仔，真係個個都可以做專家！點擊圖片放大 相片來源：東張+影片截圖真正打針灌漿補漏工程 負責防水工程的師父，首先鏟走牆身所有發脹及發黃的乳膠漆，確保牆身表面完全平伏後，才可鑽窿以便安裝灌漿針咀。以闊約3呎、高約3呎的牆身範圍為例，師父根據牆身裂紋位置（代表滲水位置），先後鑽了10個窿，然後安裝10支灌漿針咀。師父提示，由於法定裝修時間為周一至周六早上7時至晚上7時，所以防水打針工程最好於法定時段內進行，以免鑽牆時產生噪音，或油漆時產生異味。 師傅根據牆身的裂紋位置鑽窿，在鑽窿位置逐一安裝灌漿針咀。 師傅使用的電動高壓灌漿機。 師父逐一在針咀位置灌漿，據了解，電動灌漿機內的合成膠漿，成份包括樹脂、膨脹劑及催乾劑等，遇水時便會膨脹，從而迫出牆身內所有水份。小編看見師父灌漿後，牆身如「七孔流血」般湧出液體及合成膠漿，就連空心窗台的微小裂紋，也有漿狀物質湧出來。由於合成膠漿含有催乾劑，所以一般等候時間約10分鐘，便乾透變硬。 師父鏟走變硬的漿狀物質後，便可修復牆身。他以福粉及菜膠攪勻後，逐一填補凹凸不平的牆身。直至牆身表面乾透，最後髹上顏色相同的乳膠漆，便完成室內工程部分。一般而言，由填補牆身凹凸至上油，需時約20至30分鐘（視乎工程範圍）。相片及資料來源：香港經濟日報地產站大家要注意，高壓打針灌漿工程係一個暫時性嘅止漏方法，防水有效期短，適用範圍有限，如果唔處理漏水源頭，高壓打針灌漿不能解決漏水問題。記得搵任何工程公司施工前都要先了解清楚，唔好俾人呃！ 相片來源：裝修佬沈永年太太元朗山水盈樓盤滲水實錄：背景：地產代理沈永年向無綫節目《東張西望》指出，他與太太於2021年8月向發展商購入一間樓高三層， 2000多呎洋房，斥資3700多萬。而令他們決定斥巨資購買的原因，是因為發展商標榜「四個大字」 - 先住後付。 在進駐該豪宅居住後，沈永年在節目中指出，發現該樓宇「唔對路」，出現大量漏水滲水情況。沈永年在節目中指出，他們不斷每期付錢，但因滲水問題豪宅不能入住，於是他們找到發展商代表討論，雖然發展商代表透過WhatsApp承認可以延遲付款及取消罰息，但發展商代表律師仍不斷尋找沈永年，而發展商代表亦表示不用理會。 事件拉扯接近兩年，節目中指出，兩夫妻發現漏水問題不只於自己單位出現，不少住戶亦反映同樣問題存在於自己的單位內。 一直未能入住新單位，沈先生夫婦決定向發展商追討未能入住的損失。節目指出，直至2022年7月，發展商指維修大致完成，但其實問題根本上從未根治，問題成因亦未能發現，兩夫婦最終向發展商提出「不購買這個單位」，並要求退款。 節目中稱，發展商之後透過律師信回覆指，原則上同意他們不購買該單位的要求，並只同意將單位售予第三方人士，之後再與兩夫婦討論賠償事宜。之後發展商尋找到的新買家，所出售樓宇的售價未能能令沈先生滿意，但發展商強行將單位售予該名客戶，更加發出律師信「殺訂」。 本網向沈永年夫婦求證，原來他們購入的物業是由路勁基建發展的元朗新盤山水盈，而今次的單位是以沈永年太太名義購入，而她一直與發展商協商，希望發展商盡快處理賠償問題。沈太太喺片中去到一個牆身位置，指出有一個去水位有大量打完針嘅垃圾積聚，抬頭發現成幅牆都有打過針嘅痕跡，佢就話「即係話原來當有雨水沖落嚟嘅時候，其實係會沖走埋嗰啲打針嘅物料」，呢個發現就證明咗打針係解決唔到外面漏入嚟嘅水；佢再去到𨋢槽，同師傅對話「即係話其實佢本身都有滲水情況嘅。」「係呀，我哋有通知建築、通知管業處搵建築再打針。」睇嚟去到2025年當面對漏水滲水問題，大家嘅答案大部分都係「打針」處理。講真，全世界都講緊「打針」治標唔治本，究竟仲要打幾多支，大家先會肯搵過第二個答案呢。下一個BLOG，諗下有咩新嘢先再同大家分享。
