LO叔作為一個漏水界KOL,坦白同大家講,石屎剝落係其中一個因滲水引致、不能避免而又帶有危險性既問題。相信如果大家有睇上兩個BLOG既石屎剝落事件新聞合集,都可以睇到石屎剝落有機會帶來嚴重人命傷亡及金錢損失,一個唔覺意跌爛部跑車塊玻璃或者扑穿頭要送院都夠慘喇掛。 記得10年前LO叔樓上漏水多年,有日唔知係咪搬走左冇人再用水,正當LO叔偷偷暗喜漏水惡夢終於完結之時,竟然見到單位天花悄悄地出現一條條裂痕,當時冇特別理佢,心諗算啦漏水咁耐有條裂痕都好正常啫,好似聽鬼故咁不以為意;過左好多個月之後,天花水漬終於乾左,但點解條裂痕咁立體既喂!又再上網查下,先發現大鑊,竟然係石屎剝落。 有名你叫,石屎剝落,即係石屎塊由天花脫落,佢首先係甩灰,你會成日見到無啦啦地下有啲灰,再不以為意落去,石屎就會不知不覺間突然由天而降,一個唔好彩真係會中頭獎。至於點解關漏水事,就係因為天花石屎層有水滲入後鋼筋生銹膨脹,膨脹左既鋼筋撐到個石屎層裂開左,所以果條裂痕就係咁立體(越立體代表佢越快跌落黎)。 當時LO叔又好學又冇錢,講真,上網大把石屎剝落士波寧維修工序,心諗使鬼搵師傅咩,間屋又唔使點見人,簡簡單單慳返筆都好吖,就自己走去五金舖買料實行DIY,自己搞掂啦!問埋五金舖老闆,買齊哂架生就開工啦。 資料來源:斷水流 處理步驟大致上就係咁,一般係五金舖買到既都係紅丹油,老闆仲私人教授將英泥、英泥寶、沙同水溝埋一齊已經可以做修補,使乜俾咁貴買包仔料。 講真,LO叔當年做第一個步驟已經後悔點解要攞苦黎辛!你以為舊石屎脫左層就好易打佢落黎咩,用鐵鎚打到手軟,仲要搞到成間屋都係灰塵,如果保護做唔足,打落黎既石屎仲會整爛/整花地板。之後用砂紙除銹,磨到手都爛埋,重點係長期用手係天花做野,對手吊住黎做野,一般人做唔慣就係攰到想死都做唔好。 講返先,坊間買到俗稱包仔料既物料,就係以下呢啲。 點擊圖片放大 相片來源:佐記建築材料 留意返,用佢地施工前需要配合界面劑或者牛奶水,如果大家有睇LO叔前幾篇BLOG都有提到牛奶水係啲咩,牛奶水即係膠水。界面劑英文Polymer Emulsion即乳化劑,乳化劑可以將兩種不相溶既液體混合。所以,換言之界面劑即係膠水,可以將石屎痴住既膠水。而包仔料入面亦含有膠砂,聲稱防水性較強。 近年好多報導話紅丹會影響健康,逐漸用多左鐵鏽轉化劑代替佢,不需人手打磨清潔鐵銹,直接塗於金屬表面,令鐵鏽轉化為底漆。LO叔呢個過來人可以同大家講,呢隻轉化劑簡直係恩物,唔使磨到手軟,最緊要係慳時間,時間就是金錢。 水性鐵鏽轉化劑是一種以單組分特殊改性的水溶性乙烯基底漆。漆膜堅固耐用。可用於戶外難度較高的表面。本品具高滲透性能,塗裝後的漆油能滲透進鋼鐵表面並把未除盡的鐵鏽(鐵紅色)轉化為漆膜的一部分(灰色至深灰色的鈍化膜)。即可帶鏽施工,提高生產效率。 資料來源:香港五金網 當年LO叔DIY做既士波寧維修大約頂到2-3年,之後又再見返果條好立體既裂痕。 直至多年後係另一個單位用卓先液處理滲水問題時,師傅提議用埋佢處理石屎剝落問題,先知道原來一種防漏產品可以有兩個用途,聲稱深入滲透石屎約40毫米,即可保護最接近處理面之鋼筋,大大減低鋼筋受潮氧化膨脹的機會;擁有令新與舊石屎無縫結合的功能,有效修補受損石屎。 卓先液可應用在所有石屎的材質上,如水泥、水泥磚、混凝土預製件等。卓先液可增強石屎的坡度表層,並有防塵、防潮及防水作用,卓先液最突出之處是能將新和舊的石屎緊緊連結而不脫層。卓先液有效深入滲透石屎約40毫米深至石屎結構內部,滲入後會於石屎中的孔隙中與石屎內的物質產生化學反應,即時形成果凍狀的不透水層,卓先液會於21-28天完全乾硬變成晶體,建立長期的孔隙阻塞作用,從而形成自身的疏水屏障,使水無法滲透入石屎;亦與穿透石屎的粒子結合,使滲透區域硬化。通過孔隙阻塞作用,卓先液令石屎密度增加,而不影響石屎原有設計的強度特性。配合一系列相關產品有效維修、根治及預防石屎出現的各種漏水滲水問題並達至最佳效果。 資料來源:卓先國際(香港)有限公司 最令LO叔覺得特別係當年全世界仲用緊紅丹同砂紙時,呢位師傅已經用緊轉銹油;當時最意外係師傅修補時居然冇用到包仔料,而佢只係用一包普通既英泥;LO叔感覺神奇,心諗係喎,石屎有問題用返石屎補咪就係最原始既方法,師傅話「我地做既係永久性滲透式防水處理,材料全部都係無機性,可以跟石屎溶合,而其他用膠砂或者有機性藥水混合水泥開料既,冇可能同石屎溶合,因為佢地只係係表面黏住,一旦石屎收縮或再次因為鋼筋膨脹推開石屎,咁新黏上去既膠砂就會整塊被分離,所以好多時整完之後幾年又會再跌返落黎就係咁原因。」「師傅,咁點解平時大家唔用返英泥補返佢要搞咁多野,又膠砂又英泥寶呢?」「因為兩批水泥唔可以就咁連接結合,一定唔相食,就算新補既石屎乾哂之後,用橫切面睇新舊石屎之間會有一條裂縫,我地叫冷縫,就係兩批石屎因溫度不同而出現既裂縫,一定要有界面劑令佢地溫度相同,呢條裂縫就唔會出現,即係兩批石屎無縫結合,而卓先液就係我地既界面劑。」 最後LO叔用家評價都仍然係一分錢一分貨,可以解決漏水加石屎剝落問題值回票價。諗諗下,點解政府唔肯用下啲好啲既產品解決問題呢?日日睇新聞啲公屋又漏水又剩,入面有幾多獨居老人一陣有咩事真係唔知點算好。 下一個BLOG,講咩好呢,諗返一個月先啦下。