估唔到過左一個星期啫，我地英明既政府竟然可以令全香港為口罩瘋狂；岩岩仲聽到英明既特首話「我要求官員唔係自己病/要上前線，或者去人多密集既地方，我叫佢地唔准戴，戴左都要除返，希望傳媒都用呢個標準。」LO叔係度祝特首身體健康，合家平安，早日封關。 故事繼續 ─ 電燈公司職員一言驚醒夢中人，LO叔決定的起心肝真正了解下咩係漏水。一打「漏水」二字入GOOGLE，好多漏水專家同驗樓師分析，心諗「又聽唔明佢地講緊咩，有冇一個方法係可以即刻停左啲水又平平地架大佬。」撳撳下 ─ 「美國神奇止漏膠帶 一貼解決所有漏水問題」，「咦，乜有啲咁正既野？！」睇睇佢條YOUTUBE片簡直係驚為天人！ 一個穿窿既水桶，正面一貼立刻封住，仲要冇水出 一條穿窿既水管，正面一貼立刻封住，仲要冇水出 一個穿窿既水箱，入面一貼立刻封住，仲要冇水出 一個穿窿既移動式泳池，入面一貼立刻封住，仲要冇水出 一架甩左BUMPER既車，正面一貼立刻痴住，可以繼續行 一個穿窿既天花，正面一貼立刻封住，仲要頂到雨 最最最最痴線係佢切開架快艇兩半，前後貼痴返埋，仲可以落海 大家黎評下理，有冇可能先！ 相片來源：makememe.org & youtube.com 好學的LO叔當時見到啲咁正既野就梗係諗都唔駛諗，即刻買黎幫屋企搞搞佢。最緊要頂到阿業主個師傅黎睇就乜都得。老老豆豆，呢隻野都唔係平，不過抱住搵到救星既心態就老虎蟹都冇所謂啦，剪剪貼貼冇難度！ 下一個BLOG，故事繼續。
