【漏水2020】搞乜X又漏水 ─ 漏水跳FUSE 估唔到短短幾日，武漢肺炎擴散得咁快，香港亦已確診2宗；唯政府仍然冇採取任何政策及措施去防止疫情蔓延，仲要免費開放港珠澳大橋7日，輸入病毒，以此BLOG為記，香港人人自救，麻煩大家戴返個口罩、勤洗手，信政府就含L。 故事繼續 ─ 當年唐5樓單位電箱位置係一個比較隱蔽既地方，LO叔基本上冇留意佢；當晚電燈公司職員一黎到，「嘩你間屋咁搞好危險喎！你睇下！」，職員手指向電箱對上的天花，天花當時仍然都只係見到有水漬，職員再向左指「好似入到光管喎」，暗示水滲入天花光管導致跳掣。完全冇經驗的LO叔就99地問「咁即係點？有冇得整？」，職員一副唔想理既樣「我而家幫你整返好啲電，漏水你就自己搞喇。」第二朝LO叔立即通知業主呢個情況，業主回應「哦。遲啲搵個師傅上黎睇下囉。」，阿業主有租收就LO生前LO生後，一同佢講間屋有咩頭暈身㷫就話知你。 第一次面對漏水情況，真係無從入手，亦唔想面對。 再細心留意下，電視機頂、飯枱面、櫃頂、梳化上都不約而同會有少少白色粉末，直到有一日慢慢屋企好似有啲UP味，水漬亦都擴散得越黎越大，然後阿業主口中既師傅從來冇出現過，三催四請都話仲約緊。LO叔決定上網查一查究竟咩係漏水，點知有驚人發現，「咦，乜有啲咁正既野？！」 相片來源：www.lelong.com.my 「美國神奇止漏膠帶 一貼解決所有漏水問題」，就係咁LO叔對呢個產品就非常有興趣。 下一個BLOG，故事繼續。
