行程：3日2夜 日期：2018年3月30日 - 2018年4月1日 酒店：深圳觀瀾格蘭雲天國際酒店 ($1000兩晚)行程Day 1: 落馬州口岸過關 -> 華強北九方I HOLIC午餐 -> 華強北電子城 -> 晚飯 -> 番酒店Day 2: 早餐 -> 人民路九方購物中心 -> 午餐 -> 喜茶 -> minik唱K -> 章魚燒 -> 鰻魚飯 -> 龍華文化廣場 -> 海底撈 -> 遊戲機中心 -> 番酒店Day 3: 早餐 -> 深業上城 -> 喜茶 -> 科技展 -> 美奈小館 -> 遊戲機中心 -> 探魚 -> 番香港Day 1第一日同大家約左係落馬洲口岸過關，我自己唔小心去左皇崗口岸，要搭番的士過去。過左關之後當然就去食個lunch先，用大眾點評搵左呢間5星I HOLIC，又真係幾高質，特別係個蟹飯，埋單每人150蚊人仔，全程用WeChat搞掂哂落單同賣單，係大陸玩一定要有其中一個人有手機上到網，方便好多。 右邊個蟹飯好高質然後去左華強比慢慢行d平價高科技產物，咩都有得賣，細至iphone零件，大至家居電器，我地睇左好多hifi都好平，同埋d老翻airpods都係講緊幾十蚊人仔，仲去左華為專門店摸下部最新既P20 Pro，質感唔錯，但影相軟件上仲係差。 華為P20 Pro行到夜晚食左個八合里牛肉鍋，識食一定係食清湯，用牛肉慢慢涮到佢變牛肉湯，清甜。 食飽去左永輝超市行，我第一次去永輝超市，聽個名以為無咩特別，入到去原來好大好靚，貨品多得誇張，香港地價咁貴，好難會有呢種超市，所以真係行得我地好爽，買左d芒果同蜜瓜做飯後果，生果真係雪凍左先好味，個蜜瓜唔凍無個芒果咁好味。Day 2早晨係酒店附近食左少少野，跟住去左九方購物中心食lunch同深圳必飲既喜茶，然後係商場度掃左陣街，食左個小丸子同鰻魚飯，兩樣都好好味。 小丸子行行下經過見到有排上網成日見到既雙人小K房，於是我4個人就一齊逼左入一間，價錢唔平，20蚊人仔15分鐘，我地唱左3首歌多d，不過真係好有錄音室feel，d聲靚好多，唱完仲會係WeChat寄番段原聲比你珍藏。 mini K房夜晚就去食個服務同食物一樣都一流既海底撈，最緊要記得用WeChat拎定飛先，如果唔係就有派排。 個番茄湯味濃而不膩留意返，海底撈係24小時架！香港夜晚10點後除左麥當勞都好難搵到其他野食。食完之後去遊戲機中心玩反枱機同埋跳舞機消化下，反枱機有哂故事簡，返工壓力屋企壓力都有，我玩個時仲有個細路女係隔離教我點玩。跳舞機我地禁左好耐都唔識禁雙人一齊跳，搞到變左自己一個人係度跳。 瘋狂拍枱加全力反枱既減壓gameDay 3最尾一日check out之後就去左深圳無印酒店所在地-深業上城，其實本身想住呢間，不過貴過我地住個間成倍，所以都係無簡到。深業上城我地去個時仲有好多鋪頭仲係裝修中未開，不過時家應該開得七七八八。我地去到又係飲左個喜茶先，然後咁岩見到有個10層高既科技展，就入去行左行，最正係見到入面其中一層係舉辦緊王者榮耀電競比賽，場面緊張刺激。 王者榮耀電競比賽進行中睇完兩三點大家都肚餓，就去左會展中心站上面。 特登黎呢度搵另一間大眾點評5點店-美奈小館，間野越南野黎講真係唔錯，服務好，空間大可以慢慢坐。 美奈小館食飽就再去左遊戲機中心玩，因為而家香港乾淨無煙味既機鋪真係無哂咁制，所以忍唔住又黎玩過。最後食多個經典探魚就番香港啦。 蒜香味寧波魚成個行程就係咁樣周圍慢慢行周圍食下，特別適合兩pair情侶拍拖，一家大細或者一班朋友，因為人多少少先可以周圍掃野食share。酒店我book時就Agoda最平，$1000兩晚，深圳之行分享就到呢度，大家覺得好睇值得參考既可以去Facebook follow我，之後會寫埋東京、京都、新加坡同埋泰國等遊記，多謝支持。https://premium.schooldays.xyzhttps://christmas.schooldays.xyzhttps://driver.schooldays.xyzhttps://evpaybackcal.schooldays.xyz
