香港人都 愛 --出前一丁 出前一丁係香港有邊個唔識既先,去茶記,轉出前一丁加$3蚊 都照轉呀~何解?好食囉,嘻~ 而且...香港出品既味道都好多種, 多到點???多到連日本人黎香港都會買香港特有味道既出前一丁 當手信或自用ka~~ 1985年..出前一丁係香港大埔既工場廠房正式啟用,喂~喂~原來大家都係80後喎,好有親切感呀~嘻嘻 今次有幸係呢個聖誕節正日參加到由出前一丁舉辦既工作坊, 超開心,巧興奮喔~~ 因為香港係全球獨家設立 出前一丁工作坊,由參加者親手自家製作,`整個過程完全了解到出前一丁係"如何誕生的" 10:45就到達工作坊~~(記得準時呀,遲左唔比你入去喔) 1. 首先由工作人員幫小朋友戴上頭巾,好細心呀; 大人呢.....自己戴啦~哈哈 點擊圖片放大 +2 2. 戴好頭布,消毒雙手就開始跟工作人員指示製作""丁麵"" **(呢個""丁麵""花名大家去茶記食早餐/ 常餐實聽過) 3. 搓好麵團就要用力去壓佢,壓壓壓....係會出汗的 (信我,冇滴到落去,哈) 4. 之後就要放入機中混和 &壓平 (呢個步驟唔野少,一共要轉14次,小姐都索晒氣) 5.勞動完可以做番D文職工作---設計屬於自己的丁麵封套 (大家都好比心機畫,會場提供既畫筆顏色數量亦好多,令到你既設計更加豐富) 6. 畫到咁上下,工作人員就會召喚各位歸位,將麵團再一次壓平 (需共壓10次,但...................我掛住傾計冇數到,工作人員提我先再數,可能壓左十幾次~XDDD) 7. 終於將麵團用切麵機 切出一大堆丁麵出來喇~~屬於自己既丁麵BB出世喇 仲未完成KA~~~~~~~ 點擊圖片放大 8. 工作人員幫忙將麵剪成110g 蒸4 分鐘, 高溫炸1分40 秒 點擊圖片放大 +4 9. 我既出前一丁終於入包裝袋喇~~~~~~~~~~~~~~YEAH 屬於在職MAMA好地坊の 出前一丁----面世喇 小姐臨別時都要親吻清仔一啖以表謝意, 因為實在太好玩喇~~~ 歡迎到 在職mama地坊 facebook fanspage
