一值都係Heroine Make的fans，由眼線筆, 皇牌的睫毛液都係我的最愛，今次有新產品：粗筆眼線液﹐好幸運地抽中試用，咁就同大家分享下啦~ 包裝依然係咁靚，筆頭今次改為金蓋，華麗之除，仲唔怕同佢的纖細眼線筆調亂，也是一個貼心設計哦~ Heroine Make呢支眼線筆由0.15mm – 4mm的粗幼都可以流暢咁畫到，一筆就可以搞掂性感貓眼妝，真係慳咗好多時間呀~ 今次是全新彈性粗筆設計，筆頭上尖下闊，輕輕地畫就係幼細的眼線，用少少力將筆頭壓下就係粗眼線，力度粗幼完全由自己控制。 而最重要係佢保持到以往防水防汗不掉妝，並可以用溫水及普通洗面產品就可以卸除眼妝，不會傷害眼部肌膚及睫毛。
