相信鐘意去旅行又未自己一個人去過旅行既人一定有幻想過 自己一個人咩住個backpack去一個陌生既地方去旅行 我10+歲已經有呢個idea 成日覺得自己係一個lonely wolf 一個冇雀既腳仔 要做一啲型嘢 而一個人咩住個backpack去旅行認真堅型 之前去過幾次旅行 見到啲細過自己幾年既大陸女仔可以話走就走 一個人拖住個gip(其實拖gip勁唔方便lo i don't get it..) 就去睇山水 超型！！！！！ 點解人地細過我 都可以做到 我唔得？！？！ 所以 我終於係22歲前踏岀自己既comfort zone 係2015年10月去左自己人生既第一次獨遊 Yeahhhhhh！ I'm so 型！ 本身一直都對張家界呢個地方充滿興趣 自己又好鐘意大自然呀樹呀木呀草呀樹呀個啲 當今次有假期既時候 就決定一定要去張家界 順便去埋長沙同鳳凰古城(都係湖南) 咁岩有同學仔有興趣 就訂晒兩個人既火車飛同住宿個啲嘢 可惜.. 始終香港人對於唔跟團去大陸玩呢件事 係抱住負面既感覺 覺得好危險 始終都有啲落後 比人偷嘢呀 比人女女女呀 比人割腎之類... 朋友屋企人唔想佢去 覺得我地兩個女仔自己去唔跟團呢件事 唔太接受到 So 我又唔想大家唔開心 就同佢講 不如下次大家有機會去其他地方 雖然有啲失望 但係突然覺得 係咪個天都想我自己一個人岀去睇下呢個世界呢？ 同比呢個機會磨練自己？係旅程中更加認識自己？ So 就決定自己去啦 未去期間 有好多人擔心 亦有開口叫我唔好去 去其他地方 eg 台灣，韓國，日本... 但係我同自己講 既然有呢個想法 點解仲要去拖？點解機會係眼前都唔做？仲要等到幾時？驚乜？ 個下心境完全舒服晒 開心，期待咁倒數去既日子 而個trip得到好多好多既得著，友誼呀，經歷呀，文化呀..... 一切都好值得！ 所以我會鼓勵大家 如果想既話 就去做啦 唔好再比藉口自己啦 當然，一個人去之前唔該累積下啲經驗先 我自己都backpack左兩次返大陸先有勇氣自己一個人去 亦唔一開波挑戰boss級 eg 印度 新疆個啲 最緊要係！ 自己可以獨立一個人享受孤單 (有陣時得一個人係會悶啲) 但同時亦願意同陌生人傾計 咁你個旅行就會好開心架啦！
