點擊圖片放大 +19 龍年好天氣,初五一早,量地又出去睇日出.連白鷺也一同觀日呀!咁好天,不如過深圳行下公園. 坐言起行, 一於去洪湖公園行個圈. 洪湖公園出名是影荷花的好地方.上年七月,量地都嚟過.今日再遊洪湖,荷花雖然未是季節;但園內清環境清幽,老少在園來閒遊,好不自在.初七人日,又有乜好搞作? 量地上網查資料,原來深圳公園有過千個.咦,有個叫虹橋公園,園內有條虹橋,長4公里;而園內同時有綠道相連.虹橋加綠道,有10公里長呀,好,就虹橋公園啦.沿路高高的看山望水,人的心情有豁然開朗.天文台預告初十後,天氣會潮濕有微雨喎. 趁住好天,賞賞花又如何? 初九天,近近地,大埔搭B8到蓮塘口岸,再乘一個站到仙湖站.今天周日,遊人如鯽.量地就跟鯽魚而游.啊,好一個天上人間,原來有個龍年花展.繁花競艷,招蜂引蝶,真的令人目不暇給.
