點擊圖片放大 +16 過去十八年, 小伙子隊玩過好幾年毅行. 每次小伙子隊有豬朋參菜,小伙子隊馬友當然前呼後擁,唔多唔少都去黐下餐.量地自知做不成毅行者,惟有自告奮勇,每次都偽行配合.今年Happy哥挑起條橡筋,想輕輕鬆鬆在登陸前做番場好戲毅君子.於是伙集大導,山楂和花姐組成孖李隊. 時間嘛,想當年,大導和Happy哥曾當超級毅行者.既然今番Happy哥想輕鬆完成,26粒就可以了.量地話名是偽行者,假假地都算係量地,識量識度.26粒? 開玩笑咩,一個朝夕,乜都可以啦!大導和Happy哥是老搭擋;大導落得場,每場戲軌都交足功課. Happy哥係公子哥兒,只求朝夕有啖好食.山楂多年做毅行實仆,上年披甲上陣,聽聞食食行行瞓個覺廿七/廿八粒; 花姐上年就係當山楂實仆,唔知係咪因為咁,都想做個真真實實的毅人.謀事在人,成事在天.孖李隊在開菜前兩周的大課,出了些意外.大導不得不退出孖李隊.惟有挑選一直陪練的姐夫,做不成孖李,好歹都係孖你隊.孖你隊制訂朝夕餐單,加量地入單. 睇過孖你隊的操練數據,量地左度右度,就知今時唔同往日,以往索8,9,10段幾十K,今趟雙筷有心無力,惟有多餐小食.24/11,話咁快毅行餐就擺上枱.孖你隊早上七點半入滿油,由正哥做柴可夫,連大導,量地去到會場.登記,笈豬仔印,做足手續.11:00,開餐嘞!腳傷嘅大腳,揸住砲仔追前搶後.大導咁落腳,量地都惟有死撐,跟痕上到斜路回.之後,大導到西貢買飯團到北潭凹支援主腳.而正哥就同量地先回家唞唞氣.第一,二段,孖你隊回報行程,都大致依餐單上菜.16:45,正哥按餐單,帶量地,茱迪,霍大帥;另加第四,五…段陪餸嘅大隻輝到水浪窩接應.大導和門主就自行前往. 嘩,點解惡嗆嘅第三段,孖你隊竟然當快餐,17:25己經到水浪窩,快咗三個骨,搞到實仆幾乎失場.孖你隊响水浪窩上油小休,接過手扙電筒物資,17:45與大隻輝往第四段去.孖你隊越痕越身痕,第四段又超速呀!實仆睇住原餐單掻哂頭,原定25/11朝0530開車去加油;量地和孔夫子就原預0300由大埔經碗窰上鉛礦凹.而家到抵八段咁幾點上餐呀? 做得實仆,正哥惟有改0300開車;量地和孔夫子就子時出發.當量地和孔夫子0158到鉛礦凹,孖你隊0203就話到針頂喇.好彩量地老馬識逃,那那淋和孔夫子早啲度上第八段,在山上欣賞明月,0415左右四方亭笈北斗. 孔夫子仲話可能要食多陣風.話不旋踵,孖仔隊由鉛礦凹到四方不用50分鐘就到喇! 不過一個不好消息,公子哥兒被孖你隊扯爆咗,在鉛礦凹剪帶.量地勉強跟上大帽山.唔知係咪清風涼浸浸,孖你隊越行越有,0520就到八段尾檢查站.實仆正哥,大導,茱迪和霍大帥已經舖排好. 孖仔隊行軍迅速,放下多餘物,上哂子彈; 0545孔夫子接個任務,同孖你隊專攻最後兩節.其餘實仆就驅車到終點睇精彩一刻.0656,孖你隊完成第九段.大導,門主,正哥衝上引水道迎接.量地就蛇,在最後幾百米等睇戲.孖你三人, 21:19食哂百公里! 不求永遠,只爭朝夕!事後, Happy哥同量地講,班友仔亂嚟,一路扯佢.半程已經個胃消化不良,孖你幾個又大食,一路行一路食都得.其實事後,山楂和花姐都叫量地做番次真毅行.大導,正哥落咀頭,話慢慢行,卅粒左右,嘆下慢板.哈哈,大導正哥,我今時今日識你哋呀? 量地雖然吹水,不過有自知之明. 好似上周正哥話講豬噢要上車,結果呢? 假假哋,你哋毅行我就做你哋實仆,信你哋倆個大砲鼻祖,咪好似Happy哥咁要嘔突?結論係: 人生總有些遺憾,要堅持做一個偽行者,實在難過做毅行呀.因為“偽”是人為呀!