點擊圖片放大 +2 係咁而又講下歷史.小伙子隊仆是由於當年2005年4個的偽行,吹水之後吹一輪水放响毅行者網頁,之後一雞兩味,再開小伙子仆三幅被.其後正哥深深不忿,正正式式做毅行者,仲陸續招收接班人:大導,Happy哥,門主,護法,三鐵,隊長…不同組合,參加多屆毅行.豬朋馬友毅行,亞霍(當時仲未量地)當然義不容遲,一於貫徹偽行本色.亞霍起初做偽君子,偶然都會陪毅行練習三兩課.而毅行當日,起初在金山開始做阿四陪行到尾;過得一兩屆,就改為在鉛礦凹做八掛公到尾.亞霍都登陸呢幾年,小伙子隊都無隊毅行,量地諗住可以安心樂道.無啦啦Happy哥挑起條橡筋話要再做毅君子! 伙集大導,山楂和花姐組成孖李隊.呢,當時量地以為和孔夫子大機抽到講周馬,到時經夫子操一輪,體能好番啲,可以一同做八公到尾.人算天算,講周馬結果得個講.於是量地又停下來.睇住毅君子操好幾課毅行,例如上完九坑接八仙嶺都係3粒左右;第二日就走24K.走苗圃42K,行錯路都係6粒多啲. 正哥月初响長洲訓話量地,叫量地唔好牙擦,提醒量地,最好正係做八公,唔好到尾.量地思量,好呀,做八公一段都叫做無失約吖.上周六陰雨連綿,毅君子最後一個長課由第三段到第八段行咗14粒咁上下.見到佢哋咁積極,嚇到量地腳都軟.同孔夫子講,量地真係頂班君子唔順.不過,應承咗八公實仆,無理由講過唔算數咖.惟有臨急抱罰腳,上周都學始密操.呢,周一早上由大埔經碗窰上鉛礦凹經松仔園龍成堡回大埔兩小時;周二,周四早上自己偷程九坑,下午就豬仔場走三幾十個100M;周五就由大埔經鉛礦凹後做八公,全程三個多小時.試行八公呢段路同毅君子比較,相信一起步就拖佢哋後腿!今時唔同登陸前,真係服喇!惟有今日行完九坑,坦坦白白話做七,八年前可以八公到尾,而家,八公都…,不如褪後幾K,量地由鉛礦凹先行到山路一段到四方亭再陪行到八段.老實,無得say no呀.哈哈,量地連八公段都偽埋呀!
