老實,一個普通人,好自然的唔多唔少都貪小便宜吧? 例如,乜會物會話如果你加入,就會有購物優惠或者優先選購之類;不過有權利,當然有義務,義務就是要交會費啊.量地主要嗜好就係索K,尤其是42.195K.索K咪索K囉,入乜會有著數呀?呢,故事就係2008年的北京馬,聽聞話當時如果要報名索K,就首先要入田記.啊,量地是個普通人,為咗要索K,就在那年登記做田記會員.之後呢,田記都叫做為會員做些實事,例如,報田記主辦的10K,半馬,全馬等菜事,可以優先落注.所以嘛,量地也就續會,目的就係可以繼續索馬K.不過,索K人數越來越多.有好多普通人,就為咗可以優先報名就入田記.當然,有不入田記的就大肆筆伐田記,話一啲平時不索K的,入田記主要是到青馬橋遊遊笈印,剝奪了真正索K友.於是嘛,田記就改變玩法,要連續兩年是田記的會員才可以合豬腳優先落注.其實,田記這個做法亦無可厚非.過去幾年,田記又改變玩法.呢,索K的人真的越來越多,報揸兜馬,無論是否田記會員,都沒有了優先落注嘞! 於是嘛,量地對續唔續田記都不大上心了.不過,忽然間,今年講豬噢半馬菜第一屆成事,作為喜歡索K嘅量地,真係好大吸引;聽聞話如是連續2年田記會員,可以優先報名.於是量地喜孜孜的立馬續會,交完會費,麻煩索K會代報田記.滿心歡喜的,諗住田記今趟都叫做為會員做番點事.誰知,過了兩天,收到田記回覆索K會,話量地不是在30/6前續會,不符合豬腳優先落注講豬噢!吓!量地真係火都嚟!想問問,田記續會收取會費是否按月收? 不是呀,田記會費,是以年度計算,由是年一月到是年的十二月,無論何月續會,就算是十二月續會,會費一個崩也不少!既然收足了量地會費,又承認量地是2023年度的田記會員,怎麼忽然又要限制是在30/6前續會才合符優先報講豬噢? 為甚麼不直接限制30/6就不容會員續會,好斷如量地般貪小便宜的普通人?又或者,不在1/1前續會的,一律不算當年會員好了!量地信奉權利與義務,但田記錢就收足,連少少的優先報名也剝削!這是甚麼道理?好老實,想問問田記有乜福利俾會員? 如果連這點點的優先落注也沒有,入田記和續田記做乜?發過牢騷又如何? 田記五個口呀!
