“小莫小於水滴,漸成大海汪洋”,這是量地兒時常聽的廣告.耳濡目染,量地自少就有儲蓄習慣.不過,量地亦自知搵得唔多,所以隻豬仔點入都唔滿.為將來著想,所以量地自少亦另有儲私己. 啊,大帥知唔知?哈哈,量地嘅私己分唔到俾任何人—包括大帥呀!量地嘅私己,就係儲健康,所謂健康就是財富嘛!因此,量地中學畢業就開始投保.當時諗,儲健康,最簡單就係做運動.當時諗,做乜運動好呢? 中學時期,量地喜歡打乒乓球,中三跟同學學識游水.不過,打乒乓球要搵腳兼租枱;游水就要去泳池,去泳池又受開放時間限制.況且當年泳池遙遠,往往一去就要半天時間.度來度去,省時又方便的,莫過於跑步. 而且,跑步只需一雙白飯魚,短褲,大地背心.不用搵腳同行,亦不受場地,時間等限制. 只要興之所至,早,午,晚,晴天,雨天都可以呀!所以量地1974年中學畢業後,就開始儲私己錢.坦白,量地傷風感冒不多,的確省了不小錢.由於量地起初跑步,只是儲健康,所以跑步早幾年,完全沒有參加任何跑步賽事.眨下眼就幾十年了,量地有空,想分享以往比賽的一些歷程.其實之前寫網誌也有提及,不過舊網而消失了,哈哈,給量地又可以噴噴口水!
