點擊圖片放大 +7 有些事情,習慣了天天做就不覺得甚麼了. 而且,一日不做,就反而覺得好像欠缺了甚麼似的. 呢, 就如跑步, 量地自十七歲開始,起初是晚上無聊,跑了幾年,無啦啦又學人參加賽事…就係咁,跑癮就越來越深,咁走了好幾十年. 不過, 如果習慣打破了, 變成不習慣的習慣, 哈哈, 就是惰呀! 好似寫網誌,原於當年做偽行者,想把偽行經歷分享,咁啱又興起有網誌,於是就當中學時寫周記,希望等日後有回憶.咁就响雅虎開始吹吹水;雅虎網收檔,搬咗去weshare; weshare無疾而終;以為寫網誌係咁先.過咗冷河一輪. 哈,原來仲有山Ublog,咁又記記啦. 不過,停咗就惰性起.懶起來了! 而家,除了痕身,走走,浸浸外;又愛上了煲劇,所以嘛,寫網誌仲惰添. 不過,都話,習慣咗,唔做又好似唔多舒服.今日就怱怱簡記過去一周量地事:8/6: 同孔夫子兩支公過咗深圳甘坑古鎮.呢日漫遊古鎮,一日行唔哂.留有餘地,等第二日扮下做領隊. 9/6: 早上去吐露港跳海.10/6: 例課行九龍坑山.11/6: 周日跑友就十零廿K. 量地就走走,吹吹水.由大王爺走到科學園跳海浸浸,又回大王爺. 呢幾日? 煲刻煲到……請諒,請諒!
