點擊圖片放大 +9 慶祝今日特區政府取消口罩令, 量地和太座及友人伉儷一同過關尋仙. 呢, 又係上水搭小巴經香園圍口岸入深圳. 話咁快, 不用一小時就由大埔去到深圳蓮塘口岸. 搭2號線地鐵1個站,再行幾百米就到嘞.仙湖植物園佔地面積546公頃. 所以嘛, 唔好諗住一日可以行哂成個植物園!我哋今日目標就只是沙漠植物區. 由大門入口到沙漠植物區大約要行2公里有多. 安步當車, 無問題喎. 沿途林蔭兩傍, 依路緩媛而上,天朗氣清. 唔使戴口罩, 深深的吸吸大自然嘅清新空氣. 行下, 企下, 欣賞大自然風景, 唔覺唔覺都唔知行幾耐, 無所謂啦, 總之, 行行有好景.到達沙漠植物區, 多種沙漠仙人掌就近距離在前. 當然笈咗好多印仔啦. 都話園區面積大, 回程幾乎迷路. 在園內大槪遛連幾小時後回地鐵站. 搭幾個站到東門, 又嚟個八十多人仔嘅自助餐, 飲飽食醉回程, 臨尾仲有鹹蛋黃做手信. 遲啲要再訪仙湖其他美景!
