點擊圖片放大 +15 上周試過水溫, 行下深圳東門食自助餐後再行荔枝公園. 呢日(21/2)友人駕車經香園圍過關話去大小梅沙. 量地梗係跟啦!食完早餐, 駕車到香園圍大槪廿分鐘, 十零分鐘連過到關到蓮塘口岸. 深圳地鐵到鹽田路站, 再轉乘M380到小梅沙.印象中, 大小梅沙一早已是旅遊點. 下車一看, 竟然是沙塵滾滾, 一片大地盤. 量地秉承既來之, 則安之嘅精神. 按計劃行小梅沙棧道到尾嘅揹仔角燈塔. 由小梅沙公巴總站行到棧道大約1.3K左右,成條棧道就約1.7K. 個人覺得, 小梅沙棧道景色較單調. 而最大敗筆是來回6K,途中竟然找不到方便之處! 所以嘛, 個人覺得, 都係等地鐵通車到小梅沙, 周處建設完善才去吧.同友人到燈塔打完卡,回到小梅沙巴士總站. 問食肆交水費地點? 吓,要行多500M才有? 計個數,都係遲啲至交水費啦.怱怱醫完肚, 由小梅沙向大梅沙方向行約500M, 終於可以交水費. 哈哈, 無債一身輕,往大梅沙這邊的棧道,景色看來也吸睛多了,聽濤拍岸捲到千層雪. 由小梅沙行出大梅沙, 大槪也約是3K.行入大梅沙沙灘,沙幼水清.游泳區沒有浮台而浪也很大,不知夏天是否也這般大浪? 在大梅沙逗留個多小時. 又公巴+地鐵經蓮塘口岸回港.天長地久, 又過了一個不發霉的一天.
