點擊圖片放大 +10 量地响2019年尾申請咗嗰內地電話,搞咗個內地戶口, 正預備學下在國內用微信支付. 奈何新冠病毒到來, 消磨咗全球好幾年! 隨著疫情紓緩,上周迎來內地放寛不用核酸檢測,內地和香港全面通關.今日,量地和孔夫子及球哥一於一同一日遊.一日遊要計下數,幾個senior响香園圍過關,水腳慳好多呀! 於是約埋9:00上水搭小巴. 小巴行車時間唔使廿分鐘. 安埋個非觸e-道, 真係輕輕鬆鬆話咁快就過咗關. 大家幾年未入深圳, 去邊度玩都無所謂啦. 於是坐免費地鐵到東門逛街. 閒日吧, 遊人不多, 幾個逛一輪, 發現其中一間食肆相比香港真係好抵食. 點抵食? 人仔78元一位自助午餐, 包酒水,時限100分鐘.好, 一於試下. 量地順便學下微信支付. 雖然話人仔78元一位, 但食品款式好多, 而食物質素又真係唔錯. 一邊火煱, 一邊燒烤.魚,蝦,肥牛肉,雞翼,菜;二罐啤酒一罐汽水,生菓. 正諗住收工啦; 睇見啲甜品, 幾個又愛不惜口! 一於報復性狂食99分鐘!攬住個大肚腩, 大家坐地鐵去大劇院和荔枝公園消化消化.食飽咗,悠悠閒咁行咗兩個多小時, 腳都有些軟嘞. 原路來原路返. 埋數,估下全日來回車資多少?
