點擊圖片放大 +2 今日人人生日, 祝大家生日快樂!生日嘛, 量地覺得影個日出恭賀似乎幾合適. 兔年初一至初六, 陽生都半休假, 沒有早起; 今日人日, 陽生肯唔肯早出賀下人呢?無論陽生今日早唔早起, 今日周六呀! 又係大砲友行九坑; 所以量地同幾個大砲友又响六點起步. 按步速, 上到九坑頂一粒鐘, 仲有三幾分鐘等陽生. 一於咁話! 今早起行大槪9C, 上到頂, 應該低1~2C啩? 好彩頂無乜風, 水面雲層也不厚, 總算見到兔年陽生睡眼爬起來. 嘆完晨光, 嘩, 都幾凍呀! 拿拿淋下山囉. 行完山, 同大帥食早餐後, 帶埋個傻瓜機行梅樹坑. 今日都算有啲運行; 見到一班龍友帶齊大砲, 哈哈, 既然咁, 量地都沾下雀氣, 笈到2只以往量地未笈過嘅雀仔.