點擊圖片放大 +4 今日兔年初二, 先同大家拜個年, 祝大家新年快樂! 身體健康! 事事如意!其實要身體健康, 就要勤運動. 為咗隻揸兜馬, 呢幾日都要做下功課. 唔好誤會, 唔係要做時間呀, 而家目標係完成交到功課就願嘞. 2019以前, 量地跑馬仔都會約在倒數30/20/10日走長課32K, 一共三課. 前年(2021)馬仔, 已經支持唔到咁長課, 最長一課都係26K. 無他, 落場當長課, 現在希望5小時內完成, 就好滿足.除夕行九坑山練練四頭肌力, 昨天初一, 就走咗課13K. 今天約咗正哥和洪哥, 原本目標是走20K. 咁講, 明啦, 一起步, 已經跟唔上, 第7K和第8K仲慢到八分, 九分. 要正哥洪哥等好幾輪. 為免拖慢正哥和洪哥, 量地就在主風回; 叫正哥和洪哥走多3~4K追量地. 哈哈, 咁量地就無咁大壓力, 回頭8K, 諗住有人追, 頂住全程約6:20/K. 呀, 今日好大霧呀, 返到大王爺, 有時間可以欣賞下霧境. 唔使包尾俾馬友甩幾K呀.