點擊圖片放大 +7 唔知係咪連個天都唔喜歡量地, 呢個星期, 由周一到周五, 幾乎日日雨! 天呀, 離揸兜仲有幾個星期, 而且腳又痛, 點算好?10/1 約咗針針雙腳. 唞咗兩日, 11/1 趁住牛毛雨, 出去度咗15K, 咦咦, 好似都可以喎. 12/1下午, 望天打卦, 又出去行行度度, 又度咗18K. 連續兩課, 雙筷又唔多聽話, 好啦, 又唞番日啦. 今早例課, 嘩嘩, 濕度99%喎. 到起步點, 得傻豬一隻咁大把. 好呀, 獨下囉. 行過烏黑黑條斜路, 迎來濕漉漉嘅山路, 望前望後, 睇情形, 雨就應該唔會落嘞, 不過迷霧似乎凝聚, 有機會迷濛靚景呀. 趕快兩步, 果然霧迷濛, 不過, 正呀!