點擊圖片放大 +4 香港好耐都持續無又凍又冷的日子. 12/12, 一個濕寒冷鋒訪港, 氣溫急降. 平時逢周二, 四黃昏時份, 都會和豬朋馬友到豬仔場行行走走吹吹水. 13/12正待出門, 竟然下起雨! 大槪12~13C, 又雨又凍, 有豬友鴨舌話蹆軚, 咁去唔去呢? 剛才話去喎, 言出如箭, 去就去, 最多咪長梯長衫加風褸手襪囉. 哈哈, 真係唔止得量地咁傻咖.呀, 周六周日, 又有例課喎. 周六例課係早上6:00同豬友行轉九坑山; 周日就吐露港6:30晨跑. 17/12, 5:30am, 鬧鐘响呀! 睇下手機, 兩個豬友話落雨又得10C, 咁凍, 棄權喎. 咁, 出定唔出? 去! 因為周六課, 願者上釣. 唔知邊個去, 邊個唔去. 如果有豬仔去, 量地無到, 唔多好意思呀! 咪又長褲長衫風褸手襪應對囉. 去到集合點, 哈哈, 又真係有個傻嘅. 兩條友, 行咗無幾耐, 雨停了. 不過上山下山, 量地就小心翼翼蝸行. 條路部份路段, 真係都幾跣. 18/12, 六點零出到大王爺, 雖然較周六還凍, 不過好彩, 今日無雨. 好嘞, 慢龜先行, 今日試下走到雙橋尾來回. 起初, 7分K還可以, 越走越慢! 哇, 搞乜? 好大風呀! 你睇下, 吹到起埋白頭浪, 真係抛浪頭咖!今日(21/12), 暖好多啦. 口痕, 响鴨舌群組吹吹話食鳯凰餐. 嘻, 又真係有個豬. 好, 一於中午上山, 趁好陽光, 又暖(中午上山有16C吧). 哈哈, 你以為啦, 唔係話凍, 係好大風呀! 啲風吹到呼呼聲, 三兩個位幾乎俾啲風吹倒添. 上過鳯凰山嘅, 都知山頂有間避風屋; 嘩, 間避風屋都避得好徹底, 頂都無埋咪唔使避囉!
