點擊圖片放大 +7 滄海桑田, 有啲嘢, 一過咗就無嘞.好似我响細佬哥時, 呢4~5歲啩. 家慈帶姐姐去虎豹別墅. 記憶中, 量地好似有跟住去; 又好似媽媽話那裏有十八層, 驚我驚, 所以氹開我就無帶我去. 咁, 你睇下啲舊相囉. 唉, 嗰陣時, 邊度有錢買相機呀? 影張全家福, 係爸爸專登去影樓影咖. 近日睇新聞, 建於1935年嘅虎豹別墅, 幾經波折於2019年4月轉由不牟利機構經營為虎豹樂圃到2035.03.31. 但由於年年虧蝕, 同政府商議後, 提早解約, 2022.12.01轉還政府. 量地又學人追昔往日. 好嘞, 趁今日好天, 就一於去睇下. 從網上資料, 當年虎豹別墅, 佔地53.4公頃, 有高44米虎塔, 有十八層地獄……今日嘅虎豹樂圃, 依然金碧輝煌, 還有亭臺樓閣. 但相對當年而言, 可算是縮瑟一隅了. 喂喂, 其實量地你當年有無去過咖? 哈哈, 係喎. 自己有無去過都唔知, 學乜人撫今追昔?其實最重要都係掌握目前!
