十年人事幾番新, 何況廿幾年. 1997年的港深馬, 只有幾百人跑. 到2019年, 參與全馬人數已經超過二萬多人. 由於新冠疫情, 2020年渣馬取消了! 上年全馬名額僅得4000. 跟住嘅2023年全馬名額亦只有6000個. 由於名額驟減, 而田總又要求全馬跑手要有近兩年內認可的實體賽事成績, 而事實上, 這兩年實體賽事又不多, 所以量地認識的一些快馬也被迫跑半馬, 又或索性不跑了, 實是可惜!量地上年龜速完成了全馬, 在第二輪抽籤中咗馬仔; 交埋報名費, 發覺是在挑戰組, 俾Happy哥取笑話: “早出慢龜!” 哈哈, 咁又係, 真的是濫竽充數! 中咗馬仔, 又要計劃點樣練習? 而家走起嚟, 又喘氣又腳痛. 希望5小時內可以完成啦. 如果有朝一日(實會有), 量地盡哂力也不可以在5小時內完成全馬, 量地就會放棄全馬, 改玩半馬了.
