落咗注抽下揸兜馬, 所以今早响吐露講索下咗12K. 本來諗住索完K, 跟住就蝸居打蛇餅. 快到無朋友嘅Happy哥忽然鴨舌問量地, 陪唔陪佢袋第46隻鳯凰? Happy哥你唔係話約咗猛丁哥咩? 啊, 原來丁哥放咗你飛機呀, 咁你唔嫌拖住隻蝸牛, 咁咪去囉. 於是, 量地膽怯怯, 帶住手杖, 1升水. 1330搭E41+轉車到伯公坳已經1440. 好, 起行. 篤篤篤, 心諗, 索咗K, 梗係K後糊塗, 應承去食鳯凰. 小心第一, 咪變PK又俾Happy哥笑話. 行下, 唞下, 轉頭望大東, 嘩, 見山徑好多人排隊, 一定係上去睇芒草. 今午都好熱, Happy哥睇住又笑量地, 佢話昨日同快半步索廿幾K紫羅蘭, 400cc水, 4粒零都食哂啦. 量地你就一路行一路放水! Happy哥, 你第一日識量地咩, 量地就係靠滴滴水嚟認路度地呀.73分鐘上到鳯凰頂, 打個卡, 嘩: 真係頂, 頂, 頂呱呱呀! 竟然有雲海. 哈哈, Happy哥, 好彩你肯拖蝸牛咋, 如果你快快趣, 個零鐘已經落到昂坪, 邊度有雲海睇呀. 咁好景, 就海咁大個理由慢慢打卡唞氣啦. 仲去唔去搵青春小鳥? 你睇下, 咁多人, 排隊都有排排啦. 第日先啦. 美景漸去, 天黑喇快d落山. Happy哥話落山慢會燒偈, 咁你响心經簡林等量地啦. 落到心經簡林, 又依上次路線石門甲出東涌搭車走人. Happy哥, 放心喎, 量地打醒慢甘油精神, 今次唔會PK喇點擊圖片放大
