點擊圖片放大 +4 上周四考核咗台記老同學, 諗住佢慢食鳯凰應該都OK嘅. 不過忽然打秋風嚟咗嗰尼格, 尼格飛到香江. 所以噚日跟Happy哥上鳯凰同尼格打個招呼, 感受下老同學頂唔頂到. 呼呼聲, 尼格似乎都幾興奮. 量地戰戰兢兢落番嚟, 以為有青春小鳥相伴, 點知臨尾都PK收場.返到屋企, 另外有兩個老同學鴨舌量地, 問係咪同台記阿伯搵鳯凰喎. 量地諗, 剛才1號仔, 有風無雨, 量地都要PK. 而家3號仔, 吹風台話會又風又雨, 同三個老同學(跟佢3個比, 量地都係後生啲)去, 如果佢哋都掂, 吹水以後點同班老同學們吹水? 所以嘛, 就恐嚇三個老同學, 話:我都PK咗, 好心你哋啦, 癩蛤蟆想食鳯凰肉? 想創你哋啦, 不如量地帶你哋食隻青蛙補下身, 隻香港青蛙值20K有餘咖.老同學好易氹, 於是, 今日四個高級市民就去捉青蛙. 果然, 起步無耐, 就有雨呀!風雨中吹吹中學時的片片段段, 呀, 當年中一二時, 你甲班?乙班定丙班? 阿乜sir上堂後褲袋袋住份馬經, 呀物sir教舞單刀打功夫…. 幾十年同學難得仲可以風雨同行. 台記來的老同學, 後天就飛嘞. 祝健康快樂! 下次回港, 睇下啱唔啱時機上鳯凰.
