點擊圖片放大 +7 在台記居住幾十年的老同學(叫老同學, 原因量地係全班中, 尾二年輕嗰個), 上個月見量地在同學群組吹, 話十日上鳯凰山兩次. 唔多信, 話專程回港同量地行轉鳯凰山喎. 老同學雖然間中有回港聚舊, 不過都係响酒樓飲飲食食, 真正係吹水嗰隻. 幾年疫情無見, 老實, 大家都係陸戰隊, 老同學掂唔掂咖? 呀, 不過, 有謂唔係猛龍唔過江! 唔通老同學唔抵得吹水口水花多, 要俾啲料量地睇下? 好, 唔好俾老同學大到. 一於推下莊, 摸下底牌先. 於是, 量地同老同學講: “上鳯凰山, 你行過未呀? 量地多年功力, 都覺得唔多易下喎.” 老同學斬釘截鐵話: 放心, 無問題喎.” 老同學咁講, 量地真係歉歉哋. 唔聲唔聲, 老同學五天前回港, 0+3後, 昨天第四天就忽然飛個輪, 呀, 年代唔同, 而家係按8個字俾量地話約量地行鳯凰山. 吓, 失驚無神, 量地轉轉口風同老同學講: “講真, 不如先考核下, 行轉大帽, 無問題先至食鳯凰餐啦. 老同學又話都好喎, 橫掂當年去台記前都無上過香港第一, 第二高山.於是今日由碗窰上鉛礦拗, 再行麥徑第八段大帽山. 揀到好天氣, 天朗氣清, 和老同學一路下, 一路斟. 老同學行起嚟又OK喎. 問下佢, 佢話响台記, 佢係做劃則, 好多時出地盤上上落落樓梯驗樓, 退下火線, 而家都有行台記嘅合歡山, 武嶺等等喎. 佢反問量地, 佢合唔合格? 行完至講啦. 老同學真係無行過大帽山, 咁好天, 一路下, 一路影大帽山美景. 量地就一路評估老同學. 行完大帽山, 量地覺得老同學上山無問題, 不過落山, 嘻嘻, 量地似乎好啲啲咁多囉. 咪住, 咁講, 老同學係咪肥咗? 量地順理成章唔同老同學上鳯凰山?哈哈, 唔係呀, 量地俾個P老同學. 點解? 如果老同學係快腳過量地, 量地就唔俾P佢, 因為同佢一齊行, 量地就無得响同學群組度吹水囉. 哈哈哈.
