點擊圖片放大 +3 日昨維港順利舉行渡海泳. 講起渡海泳, 量地又吹吹.呀, 其實香港有2個渡海泳. 一個是吐露港渡海泳; 另一個是維港渡海泳. 由於維港水質和航道繁忙, 維港渡海泳停辦多年, 由2011年才復辦. 講番轉頭, 吹水當年十八, 雖然識游水. 但從未諗過游渡海泳. 到2009年已經入伍2年, 有跑友撩起, 獻出第一次渡海泳, 呢吐露港渡海泳囉, 由三門仔沙欄游到大尾篤, 大槪2.4K. 2011年, 維港復辦渡海泳, 由三家村游過對面西灣河, 大槪1.5K吧. 香港兩個有規模的渡海泳, 吹水都玩叫做過啦. 維港渡海泳連續玩咗七年. 到2018年因為離港遠遊, 所以就沒有參與了. 跟住2019, 2020維港又停辦. 到上年, 吹水想再玩, 不過, 主辦機構話, 登陸想玩就要有醫生証明喎, 吓, 量地喎, 官喎, 無收入啦, 而且就算有醫生証明, 只可以話睇醫生當時無問題, 唔可以擔保參賽日無事喎! 況且, 仲要抽簽睇下有無位呀! 其實, 維港渡海泳所設的優悠組別, 已經有水試規定. 而早年維港渡海泳發生意外的泳手, 其年齡也未登陸呀. 唉, 平機會成日話不問年紀, 只睇能力. 維港渡海泳主辦機構算唔算有年齡歧視呢?呻完一輪, 好啦, 第日就再吹吹有關渡海泳.
