20221018 有緣又再會Hi, 各位好! 其實本人(不如叫吹水或量地啦), 好早好早以前已經寫仆. 有幾早呀? 2005.12囉. 當年是在阿苦寫, 唔經唔覺留下 8年口水. 不過到2013.10, 阿苦話唔再實仆嗰仆, 推介兩個肯接手尾嘅. 吹水左揀右揀, 揀咗大家分享平台啦. 唔覺唔覺, 又過咗8~9年. 嗰大家分享平台開始一時三刻失聯, 搭唔到線. 到本年七月, 搭條線, 成日都話: “連線已逾時”. 唉, 咁算點吹呀? 泄哂氣囉. 吹水寫仆, 目的係記錄同跑友間的跑和練習; 同埋方便十年八載後大家嘻嘻哈哈回味. 而家斷咗纜, 連往日資料日誌, 都化為嗚嗚呀, 真係……早兩日, 朋友問嗰仆死咗好耐喎, 點呀? 咁又點起吹水啲水, 好, 又搵下有無免費平台(坦白, 要免費呀, 吹水得把口, 其實無水咖). 而家搵到UBlog, 哈哈, 又可以繼續吹啦! 希望老馬舊雨搵到路, 有緣又再會呀.
