自己算係好大汗的人, 30度以上的日子即使盡量減少勞動, 都好容易就出到一身汗, 礙於身形又無辦法著得好清涼, 夏天好多雪紡衫好薄又要打底, 結果bra+打底背心+外衣, 足足三層真係熱到汗流浹背、苦不堪言.... 有時真係連bra都唔想戴, 但改穿有墊的打底背心又無承托作用, 已是太平公主的我就會更像男生, 戴 nude bra 又成日驚住流汗就會跌, nude bra又重感覺唔算舒服.... 所以我一直對nude bra都無咩好感, 對我來說只不過是著姐妹裙/禮服等必要時先會用的產品。 但我想講我終於搵到一隻令我覺得真係可以夏天著出街的 nude bra!!!! 就係呢隻由美國隱形胸圍元祖品牌 NuBra 為亞洲女士推出的升級版3D NuBra Silicone!!! 我試過 Nubra 其中兩款的產品, 坦白講的確可以做到我期望的舒適 / 夠黏力 / 輕身, 不過講到最親膚、最輕盈的矽膠 nude bra, 真係非呢一隻莫屬。 包裝內的 看起來跟一般的 nude bra 無異, 不過我覺得如果加一塊膠紙cover住黏貼面就更好了。 升級版3D NuBra Silicone 有A、B及C杯尺寸選擇, 一般都建議選比自己尺寸小一號啦! 相對於100% NuBra傳統的矽膠, 升級版3D NuBra Silicone 杯形可以自然偎依到整個胸部圓潤, 通過使用一個小淺杯, 大大減低空氣或杯內之磨損, 杯子的邊緣被翻轉的可能性大大減低, 使杯子更貼服無痕。 我自己的建議是, 不管是什麼款式的 nude bra, 使用前也最好先用乳貼, 保護好最敏感的部位~ 否則用完後撕掉的時候感覺真的有夠糟, 而且隔著乳貼感覺也比較衛生。 配戴的時候留意方法! 重點是扣子要保持在下方, 而下圍應該保留1cm左右空間, 不像一般bra要把所有肉都撥進去! 像下圖 model 一樣就正確了~ 正常來說, 戴好之後跟戴bra的效果差不多, 較豐滿的朋友仔 push up效果應會更好~我就覺得有bra的效果已經好滿意!! 如果配戴方法不對, 戴了nubra就會好似將胸部壓平!! 戴左一次已經覺得升級版3D NuBra Silicone比一些雜牌 nude bra 輕身, 翻查資料知道原來它比傳統 NuBra矽膠輕10克~原來10克已經差好遠, 輕身d就無左成日好似想移位的感覺, 而且黏得好緊, 試過郁身郁勢都無鬆開, 唔使提心吊膽, 不錯! 所以我第一次覺得 nude bra 唔止重要場合為左襯衫先著, 而係真真正正可以平時著出街, 代替一般bra~ 雖然價位比較高, 但好好保養可以用好耐好耐, 貼身衣物還是不要買太便宜, 早幾年貪平買80元的雜嘜nude bra, 用左一次已經覺得周身唔舒服, 成日想甩又唔夠承托效果, 一早扔左!! 有興趣就去 private shop 睇下啦! 價格: $980 地址︰銅鑼灣祟光百貨2樓 查詢熱線︰3126 2305
