休息一段長時間，我返嚟啦！會不斷介紹美食，好嘅劣嘅，我都會一一介紹比大家。😘😘😘難得放假，梗係同老公出去食食食啦！第一件事，返去舊公司附近食返成十幾年嘅美食。🎉🎉🎉近排係fackbook成日見到好多人都介紹薔紅，我就同老公講，以前我都成日去食，佢最出名嘅燒春雞真係冇得輸，仲有脆皮豬手，仲有鐵板餐，真係又平又好食。👍👍👍嘩！果然facebook效應，去到大約下午3點，以前呢個時間冇乜人，今次去到竟然全店滿坐，好彩等咗一陣就可以入坐，我梗係要食燒春雞啦！🥰🥰🥰Rose Kitchen 薔紅特色茶餐廳 燒春雞拼薯條 （可併飯、意粉或沙津）$73春雞雖然半隻，但坦白講一d都唔細，皮脆多汁，肉質十分嫩滑，味道超正，又唔會過鹹，連老公開初佢唔信我講到幾好食，佢一食都話好正👍👍😋😋。點擊圖片放大 芝士焗豬扒飯 $42同一般焗豬扒飯差唔多，味道中上，但值得一提嘅係佢係超熱，真係唔好用手去掂個兜，如果唔係真係會即係出水泡，哈哈，因為我試咗🙈🙈🙈。 維他奶紅豆冰 +$12呢個真係可以一試，紅豆夠淋，唔會太甜，可能個人問題，始終飲落有少少豆青味，但整體嚟講係好飲嘅👌👌。 凍齋啡 +$8唔洗多講，一般茶餐廳口味整體評分：最高為🌕🌕🌕🌕🌕味道：🌕🌕🌕🌕服務：🌕🌕🌕環境：🌕🌕🌕地點：🌕🌕🌕🌕回頭率：🌕🌕🌕🌕🌟🌟🌟必食推介： 燒春雞，脆皮豬手🌟🌟🌟我會為大家帶黎煮食、食譜、飲食同資訊分享比大家，請多多支持🥰🥰🥰記得追蹤我嘅facebook 同 IG 專頁呀！FB:https://www.facebook.com/winnieandlife IG:https://www.instagram.com/winnie_winnie21UBlog:https://blog.ulifestyle.com.hk/winnieleung21#薔紅特色茶餐廳 #灣仔 #燒春雞 #脆皮豬手 #茶餐廳 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
