老公返工，我放假，最好做d乜？梗係約朋友食吓好嘢啦！🤣🤣🤣我哋兩個之前都係灣仔返工，自從搬咗去火炭之後，真係好少再去灣仔、銅鑼灣啦！所以我哋今次舊哋重遊，順便睇吓有乜好嘢食。😆😆😆我哋行吓行吓，雖然真係有好多美食，但真係花多眼亂，最後我地就揀咗呢間打吓邊爐，又可以慢慢傾計嘅地方。😛😛😛老鍋台式火鍋 (京都廣場)地址：銅鑼灣駱克道491-499號京都廣場2樓 2人餐 老饕酸菜白肉鍋超多配料，白肉超爽口，又唔會太肥，湯底酸酸哋，好開胃，配埋寬粉條簡直一絕。👍👍👍點擊圖片放大 雪花肥牛厚薄適中，唔會太肥，食落有牛味，唔會有雪味，絕對係靚牛之選。😋😋😋 墨魚丸、香菇貢丸、魚皮餃、台灣蛋餃（各2粒）因為係二人餐，所以每種都有兩粒，墨丸係手打，夠新鮮彈牙，蛋餃夠好食，吸埋酸菜鍋湯底，好食。🙂🙂🙂 五彩鮮蔬盤（細）雖然係細嘅菜盤，但份量都幾多，菜夠新鮮，食落夠鮮甜。😊😊😊 米線最後食埋米線再配湯底，真係超滿足嘅一餐。🤗🤗🤗 整體評分：最高為🌕🌕🌕🌕🌕味道：🌕🌕🌕🌕服務：🌕🌕🌕🌗環境：🌕🌕🌕🌕地點：🌕🌕🌕🌕我會為大家帶黎煮食、食譜、飲食同資訊分享比大家，請多多支持🥰🥰🥰記得追蹤我嘅facebook 同 IG 專頁呀！FB:https://www.facebook.com/winnieandlife IG:https://www.instagram.com/winnie_winnie21UBlog:https://blog.ulifestyle.com.hk/winnieleung21#老鍋 #台灣 #台式火鍋 #銅鑼灣 #打邊爐 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
