自從上次係香港仔食完川菜之後，老公朋友又再介紹佢去食海鮮，老公又知道我鐘意食，所以又嚟接我收工帶我去食。🥰🥰🥰其實我都好怕係出街食海鮮，因為好多時都係海鮮價，真係會比人劏到一頸血。🙈🙈🙈呢間又真係幾好喎，起碼大部份都明碼實價，除咗粤菜、海鮮、小炒，又有泰國菜、潮州菜，價錢又唔貴，份量又夠，最重要係乜呀？味道真係唔錯，老公朋友真係冇介紹錯。👍👍👍蟹點 地點：鴨脷洲鴨脷洲橋道322號西邨街市1樓點擊圖片放大 招牌白胡椒蟹（約一斤半）蟹夠鮮甜，啖啖肉，嘅有白胡椒味，又唔會遮蓋蟹嘅鮮甜味，鐵板上，上枱時淋上白胡椒汁，夠晒熱辣辣，值得推介。😋😋😋點擊圖片放大 +2 鵝片三拼墨魚紅腸賣相比一般潮式店舖靚，上枱時會覺得好似好少咁，因為下面一般都係大量豆腐、大豆牙菜墊底，但佢完全唔係，豆腐兩片，大豆牙菜得少少，主食份量比出面食嘅還要多，特別係鵝片，味道又會過鹹，鵝片夠滑，唔會過老或過淋，墨魚爽口，鐘意食潮州嘢嘢朋友一定唔好錯過。😍😍😍 金莎黃金蝦蝦夠鮮甜，鹹蛋黃外層做金沙，非常惹味同夠香，只係略嚴蝦炸得唔夠酥脆，如果炸多半分鐘就更好啦！🤣🤣🤣 鹽燒烏頭呢個泰式嘢又係不得了，老公差唔多一個人食晒，鮮夠鮮甜，肉緊嫩滑 juicy，特別提一提佢個醬汁，酸酸甜甜辣辣，真係將條魚帶另一個層次，所以我哋要再添加醬汁。🤗🤗🤗 西瓜沙冰真的一般西瓜沙冰。😄😄😄 泰式咖啡有咖啡味，但由於已經調好晒味道，甜度冇得選擇，所以對於我哋嚟講，真係好甜。😅😅😅整體評分：最高為🌕🌕🌕🌕🌕味道：🌕🌕🌕🌕服務：🌕🌕🌓環境：🌕🌕🌕地點：🌕🌕🌕🌕我會為大家帶黎煮食、食譜、飲食同資訊分享比大家，請多多支持🥰🥰🥰記得追蹤我嘅facebook 同 IG 專頁呀！FB:https://www.facebook.com/winnieandlife IG:https://www.instagram.com/winnie_winnie21UBlog:https://blog.ulifestyle.com.hk/winnieleung21#蟹點 #粤菜 #潮州菜 #泰菜 #海鮮 #白胡椒蟹 #香港仔 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
