川菜入面，我一直都好想食水煮魚，又怕老公食唔到咁辣，所以一直都冇機會去食。👉👈👉👈👉👈點知，老公經朋友介紹香港仔呢間川菜，話好食又抵，所以佢收咗工過嚟接埋我收工，就帶我去食。🥰🥰🥰十三少地點：香港仔崇文街15-17號華利大廈地下(部份)及低層地下 入到去，坐低，店員小姐姐幫我哋set好晒位，每個位都有一個密實袋比大家入口罩，仲有一張獨立嘅75%酒精濕紙巾，可以用嚟抺手，最特別嘅地方係佢唔係用筷子托，係用一粒真嘅花生嚟托住筷子，另外，好多川菜都係提供熱茶比大家，而佢哋提供嘅係冰凍嘅檸檬水，真係太辣都可以解辣，真係夠晒細心。❤️❤️❤️ 椒麻皮蛋🥚🥚辣椒、蒜蓉粒、秘制麻汁再配外層Q彈，內裡糖心既黃金皮蛋，簡直一流，老公連汁都唔放過，用嚟撈飯。🤣🤣🤣 川式口水雞🐤🐤雞肉夠滑，但佢唔同一般口水雞，可能帶有川式做法，味道OK，只係鹹咗少少。😄😄😄 水煮魚🐟🐟我一直都好想食嘅嘢嚟啦！嘩，份量超多，起碼4人份量，魚肉超滑，唔腥，又大塊，最重要係冇骨，配菜超正，有大豆牙，青瓜，唐芹，寬粉，特別一提，寬粉加入水煮魚度超夾，又夠Q彈，又滑，我簡直半條不留，全部食晒。😋😋😋點擊圖片放大 由於辣度係冇得選擇，全部畫一，如果可以由客人自由選擇就更好啦！👍👍👍紅糖糍粑🍡🍡食完上面嘅嘢都已經好飽啦！但甜品係第二個胃，一定唔會錯過啦！上面灑有黃豆粉，外脆內軟嘅糍粑，點上小小嘅紅糖，真係好好食，8條我食咗6條，咁大家都知有幾咁好食啦！😍😍😍 整體評分：最高為🌕🌕🌕🌕🌕 味道：🌕🌕🌕🌕 服務：🌕🌕🌕🌕 環境：🌕🌕🌕🌕 地點：🌕🌕🌕🌕我會為大家帶黎煮食、食譜、飲食同資訊分享比大家，請多多支持🥰🥰🥰記得追蹤我嘅facebook 同 IG 專頁呀！FB:https://www.facebook.com/winnieandlifeIG:https://www.instagram.com/winnie_winnie21UBlog:https://blog.ulifestyle.com.hk/winnieleung21#十三少 #川菜 #麻辣 #小煮魚 #黃金皮蛋 #寬粉 #糍粑 #口水鷄 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
