其實我唔係成日出街食好嘢嫁，我都係一個典型嘅上班族同埋係一個家庭主婦，除咗出街食飯，其實我成日都要煮飯，老公返工又要帶飯，要煮飯嘅日子真係唔少。😃😃😃奶奶成日話我老公肥咗好多，要管吓自己把口同郁動多d啦！我老公就會向我奶奶投訴，就話叫你新抱管吓自己對手，唔好煮咁多好嘢佢食咪得囉。🙈🙈🙈講真，我煮嘢食唔係特別好食，煮親都係家常餸菜，只係我煮嘅口味啱我老公姐。又可能我老公搵啱對嘅人，所以我煮乜佢都覺得好食。🥰🥰🥰嚟緊我會不定時咁介紹我平時會整嘅家常菜比大家，大家可以交流吓煮嘢食嘅心得。（因為我煮嘢冇特定煮法，又冇跟大廚學過。）希望大家鐘意啦！😍😍😍 黑醋蒜香涼拌青瓜🥒🥒食材：青瓜一條🥒蒜頭 5小粒🧄辣辣 2隻 🌶️（唔食辣可以唔落）調味料：黑醋 1-2湯匙生抽 1湯匙糖 1湯匙鹽 少許麻油 少許做法：青瓜洗淨去切瓜囊，切條備用，蒜頭辣椒切細粒或攪碎，再撈埋所有調味料，淋上青瓜度，撈好就食得。👏👏👏想入味d，可放入雪櫃半日或過夜，效果更好。😋😋😋我會為大家帶黎煮食、食譜、飲食同資訊分享比大家，請多多支持🥰🥰🥰記得追蹤我嘅facebook 同 IG 專頁呀！FB:https://www.facebook.com/winnieandlifeIG:https://www.instagram.com/winnie_winnie21UBlog:https://blog.ulifestyle.com.hk/winnieleung21#黑醋蒜香涼拌青瓜 #自家菜 #住家菜 #日常生活 #自家餸 #家庭主婦 #家常菜 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
