平時由紅磡去九龍城當然係搭巴士啦!而家屯馬線開通咗,咁就試吓搭吓去九龍城有幾咁方便。🤣🤣🤣 答案:我係唔會再搭地鐵去,都係搭巴士方便好多。原因:由宋皇臺站上B2或B3出口,出咗閘口都要行最少5分鐘,仲要上完斜路再落斜路,先可以到出口,講真都係搭巴士方便好多。😡😡😡去到九龍城,當然要搵好嘢食啦!去到呢間餐廳門口,就比佢嘅招牌吸引咗,咁就去試吓啦!😍😍😍龍泉冰室 地址:九龍城福佬村道20-22號學林軒地下A號舖 軟殼蟹菠蘿包 即叫即整,熱辣辣,脆卜卜,估唔到軟殼蟹同菠蘿包係咁夾,原隻軟殼蟹加上紫椰菜、生菜、蕃茄同秘制醬汁,再加埋熱辣辣嘅菠蘿包,真係好好味。😋😋😋點擊圖片放大 豬扒出前一丁配多腿奄列多士 除咗沙爹牛肉麵外,呢個又係港人最愛嘅茶餐,去得茶餐廳,點都要叫吓嘅。🙈🙈🙈 叉燒煎蛋飯(雙太陽蛋)叉燒肥瘦適中,加埋太陽蛋汁一齊撈飯,唔洗講都知好味啦!但個蜜汁甜咗少少,如果多返少少豉油味就更正啦!真係順蜜汁嚟嫁。🤣🤣🤣 菠蘿冰 菠蘿肉好多,顏色少少紅紅哋,幾靚,如果配梳打就一流啦!(可能我鐘意飲有汽嘅飲品啦!)😃😃😃 咖啡紅豆冰 紅豆好軟糯,配上咖啡真係感覺唔錯,但由於我哋唔記得叫小甜,所以對於我哋嚟講係甜咗d,呢個係我哋嘅失誤。😁😁😁整體評分:最高為🌕🌕🌕🌕🌕味道:🌕🌕🌕🌓服務:🌕🌕🌕環境:🌕🌕🌕地點:🌕🌕🌕🌕我會為大家帶黎煮食、食譜、飲食同資訊分享比大家,請多多支持🥰🥰🥰記得追蹤我嘅facebook 同 IG 專頁呀!FB:https://www.facebook.com/winnieandlife IG:https://www.instagram.com/winnie_winnie21UBlog:https://blog.ulifestyle.com.hk/winnieleung21#屯馬線 #龍泉冰室 #九龍城 #相機先食 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats