收工都收2130，真係乜都冇得食，唔通返到屋企成2330先嚟食咩？🙈🙈🙈而家好多堂食都係做到2200，所以只好買外賣返屋企，我諗咗好耐，真係諗唔到屋企附近買乜好，老公就話橫掂都出嚟接你，不如去大圍買啦！因為我成日同佢講我好掛住大圍嘅油渣麵。😋😋😋大圍小食地址：大圍富嘉花園22號地舖 魚蛋、燒賣、秘制辣汁 $12/10粒由於太肚餓啦！我忍唔住叫咗魚蛋、燒賣就咁企係街度食咗先，頂住先，配上佢嘅秘制辣汁，而佢嘅燒賣應該係金龍燒賣，所以我每次去到，都係必叫食嘅。🤗🤗🤗溫馨提示：辣汁方面，比較辣，唔食得辣嘅朋友，千萬唔好加咁多。😂😂😂 油渣麵 $45 /分湯另加$2我每次買都要分湯，仲要加錢要大湯，因為我返到屋企，一定要整返熱先食，如果唔夠湯，真係失色唔少。佢嘅油渣麵係現時嚟講，我覺得係最好食，好食過大角咀好出名果間，記得要配埋佢嘅炸蒜、辣菜脯同葱，簡直一絕👍每次我都買兩碗，留返一碗第二餐再食🤣🤣🤣 煎讓三寶 $60/15件佢真係唔止三寶嫁，我哋買咗一大盒，有紅腸，魚旦，豆腐，尖椒，茄子，餃子等等，仲有一支茶送，真係好抵食。😃😃😃 我會為大家帶黎煮食、食譜、飲食同資訊分享比大家，請多多支持🥰🥰🥰記得追蹤我嘅facebook 同 IG 專頁呀！FB:https://www.facebook.com/winnieandlifeIG:https://www.instagram.com/winnie_winnie21UBlog:https://blog.ulifestyle.com.hk/winnieleung21#大圍小食 #油渣麵 #魚蛋 #燒賣 #煎讓三寶 #香港小食 #大圍 #街道小食 #相機先食 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
