而家因為屋企關係，成日要屯門紅磡兩邊走，所以我都會留意吓屯門有乜好食，就等我同老公一齊放假，就叫佢帶我去食。🤗🤗🤗馬來西亞都算係我半個鄉下，疫情未有時，除咗日本，澳門成日去之外，其次就係馬來西亞，所以係香港，見到有人話好食嘅馬拉嘢，我都心思思想去試，人哋講到點好食都好，自己未食過，都唔可下定論嘅。🤣🤣🤣馬拉公公地址： 屯門屯門鄉事會路112-140號雅都商場Go Go Mall1樓S69號舖 酥炸魚柳配薄荷咖喱 $48魚柳因為即叫即炸關係，真係好脆，熱辣辣，外脆內滑，可能咖喱汁要配合香港人口味，反而我覺得唔夠馬來西亞果邊咁香，咁重香料味，比較淡口少少，反而佢嘅薄荷味就做得非常出色，既有薄荷味又唔搶咗咖喱嘅味道，食落仲帶有清新嘅感覺。😀😀😀點擊圖片放大 檳城褔建蝦麵 $49嘩！呢個我鐘意呀，真係好似返咗馬來西亞咁，食返當地嘅蝦麵味道，好有濃郁嘅蝦香味外，佢嘅辣度適中，配有蝦、魚片、尤魚、豆卜、肥嘟嘟嘅牙菜，仲有半隻蛋，配料豐富外，真係好味添。😋😋😋 蒜香小雞腿 +$20即叫即炸，熱辣辣，食嘅時候一咬超多汁，食落有黃薑粉嘅味道，入味。😃😃😃 凍薏米水 +$10呢杯講真嘅，我鐘意呀！因為佢純正薏米水，唔會好似其他咁加檸檬，講真，我本人覺得薏米水咁先好飲，加左檸檬會變酸，又要加多咗糖，飲完口又內又酸酸咁，真係唔鐘意，但佢係少少甜加上薏米嘅香，真係好好飲。😍😍😍 凍泡沫咖啡 +$7講真，我只飲咗一啖，因為我已比杯薏米水完全吸引咗，咖啡係微微嘅甜，但我覺得唔夠咖啡味，好彩唔會偏酸，但點講都好，我都係鐘意薏米水多d。😁😁😁我會為大家帶黎煮食、食譜、飲食同資訊分享比大家，請多多支持🥰🥰🥰記得追蹤我嘅facebook 同 IG 專頁呀！FB:https://www.facebook.com/winnieandlife IG:https://www.instagram.com/winnie_winnie21UBlog:https://blog.ulifestyle.com.hk/winnieleung21#馬拉公公 #馬拉菜 #馬來西亞 #屯門 #相機先食 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
