每次諗起疫情前，每個月都會一大班人都會專登夾一日出去食飯，專登搵d好嘢食。而家又話限聚令，又限晚市服務時間，我哋都年幾冇好好咁聚過啦！😱😱😱難得今次約咗其中一個好姊妹一齊入馬灣行吓，順便搵吓好嘢食。😘😘😘 今次我哋就決定食土耳其菜，呢間餐廳以土耳其民族色彩為主提，所有裝修，擺設，以及大部份餐具都各具特色。🤗🤗🤗@熱沙咖啡Coffee on the Sand地址：馬灣珀林路大街村東11號地舖點擊圖片放大 土耳其雞肉烤餅超好味呀！勁多雞肉，烤餅軟熟，沙律菜夠新鮮，沙津汁唔係一般黑醋或芝麻醬，佢係酸酸甜甜之外，仲帶有果香味，配合埋大大件又多雞肉嘅烤餅，啱啱好中和返同解膩，配搭真係好好，顏色又靚，真係令人食指大動。👍👍👍 土耳其特色餃子（羊肉）自家制土耳其餃子，細細粒，相當精緻，食落，有咬口，有嚼勁，再配乳酪同青瓜，真係非常解膩，啱晒我哋邊傾計，邊慢慢食。🤣🤣🤣 土耳其熱沙咖啡即叫即係枱上即整，細細杯，上枱時，店員姐姐已幫忙沖了一杯，另外再比多一個小鐵壺咖啡我哋，她介紹必須要等兩分鐘先飲，因為熱沙咖啡係會有少少咖啡渣，所以要等一等佢沉澱，另外，土耳其人飲咖啡係會加少少糖，如果唔加糖嘅朋友，記得一早出聲呀！呢杯咖啡好純，好滑，完全唔會有酸味，我勁鐘意。😋😋😋 記得追蹤我嘅facebook 同 IG 專頁呀！FB:https://www.facebook.com/winnieandlifeIG:https://www.instagram.com/winnie_winnie21UBlog:https://blog.ulifestyle.com.hk/winnieleung21#熱沙咖啡 #CoffeeOnTheSand #土耳其 #馬灣 #土耳其菜 #舒服 #寧靜 #特別 #相機先食 #烹飪 #美食 #食譜 #煮食飲食 #winnie_winnie21 #shopping #cooking #Hkfoodblogger #foodieshk #hkfoodblog #hkfoodies #hkeats
